花漾

Open Now

Now Closed

Time square 餐廳集中在高層；低層商場就集中賣時装，疫情前也有雪糕店、蛋糕店等。疫情下時装不好賣，竟然多了間正規餐廳【花漾】 。【花漾】名字優雅，以為係間cafe 或 西餐廳，原來係間新加坡海南雞、蝦麵、喇沙店。午飯時間坐滿客人，格局似間新派茶餐廳，與旁邊的時裝店格格不入。午餐選擇多有14款，8款都是辣，對小朋友及不愛辣的筆者來說選擇不太多。另外，價錢比地舖高幾成。到訪星加坡餐廳，【海南雞飯 $108】是必點的菜式！呈上碟的海南雞份量十足、雞皮都叫滑而且皮下脂肪不多，賣相對辨。雞肉肉質都稱得上嫩滑，不過雞味不太濃郁。最有驚喜是冬瓜湯，裡面有兩粒魚蛋，冬瓜湯味道清甜。小女兒喜歡薄餅，所以散叫份【馬來咖哩配薄餅 $62】。薄餅有兩件，1件煎太燶，咬下去都有微微的焦燶味。另外，入口偏油膩。咖哩汁內沒有配料，質感比較稀薄，掛不上薄餅。咖哩味道又不夠香、又不夠辣，非常失望。餐廳位於timesquare內地點方便，不過環境似茶餐廳不太舒適，食物味道又沒有大驚喜，試過一次就夠。