大壹燒鵝 (登輝大廈)

Open Now

Now Closed

香港有好多燒味店都係由中央工場製造，味道總不及現場即做好。在銅鑼灣旺區內，竟然有間新開不久的「大壹燒鵝」，內部茶餐廳格局沒有大驚驚喜，亮點絕對是店鋪內設有烤爐，即製燒味保證新鮮熱辣辣。筆者剛好坐正風乾房前，一隻隻肥滿的鵝掛在眼前，乳豬掛在後排。今日到訪因為之前有晚去買車仔麵，發現這間燒味店。見到這個套餐有燒味飯而且單/雙併同價、還有青菜及老火靚湯，都只是$78，非常抵食。以為午餐都有這套餐，點知沒有這個抵食套餐。午餐、下午茶Menu。加料返企Menu。最後揀左「午餐燒鵝賴粉$58」，雙併燒腩仔+$5，凍奶茶+$8。餐廳名字有「燒鵝」二字，就知道燒鵝係餐廳嘅名物，冇可能唔叫。幸運地沒有加 $ 轉鵝脾下都可以有鵝脾食！燒鵝皮夠薄但不夠香脆，少量的肥膏帶點油香，略嫌肉汁不夠豐腴。燒腩仔賣相平凡，沒有一層肥一層瘦、層次分明的賣相。但是咬下去燒腩皮燒到脆卜卜，肉質嫩滑，肉味濃郁，味道比賣相吸引，值得推介。