Nara Thai Cuisine (新城市廣場一期)

Open Now

Now Closed

今日好早六點鐘就去到沙田搵食，見呢間唔使排隊，就即管入去試吓好唔好食啦。一入去坐低，侍應已經攞咗一碟蝦片過嚟，睇一睇餐牌，原來呢一碟蝦片要比$15。咁都要試下好唔好食先喇，都叫脆嘅，算啦。兩個人叫咗三樣嘢，先叫咗半份蝦餅， 有3個盛惠$52 ，幾厚肉幾有蝦味，炸到出嚟都幾脆口。再叫咗個泰式炒金邊粉，出奇地唔係好熱，一邊有幾隻大蝦，幾爽幾彈牙。但整體來講呢啲野冇乜特別好食。反而叫左個椰子雞湯，可以揀走辣，椰子味好香濃，裡邊有好多舊雞，但唔係平時中式湯飲嗰啲有骨斬件雞，而係一嚿嚿好似雞柳咁嘅，無骨啖啖肉。