暌記潮州飯店 (Closed)

因為有個朋友係新蒲崗附近玩槍，佢樓下就有間潮州打冷，叫暌記，咁我地去試下啦！我地叫左個鹵水大拼盤，但係呢個拼盤又唔可以拼鵝片，但係我地又好想食喎，唯有另嗌啦！呢個大拼盤值得一讚！因為佢有樣野好正，就係佢既墨魚片喇！佢做到非常爽口，好有味，唔似平時出面唔知食左d咩冇咩味果隻。真係非常非常好食！拼盤入面有鵝腸，紅腸，芽菜，鹵水豆腐同大腸既，每一樣野都好出色！連紅腸都好好食喎竟然！因為佢既精髓就係佢豉油做得非常之好！佢個鹵水就係帶甜，本身我都好鐘意食甜d既汁，所以我覺得好好食！不過鵝片就麻麻喇，都幾鞋下，雖然佢幾薄，但係食完會有渣，not good not good。朋友熱烈推介我地食蠔仔粥同炸蠔餅，呢個蠔仔粥好足料，一煲入面有好多蠔仔！加埋d肉碎又真係好好食喎！好鮮味，完全唔洗加胡椒粉。個蠔餅炸得好鬆脆，仍然都係好多蠔仔好足料！不過因為d粉漿吸哂d油，我覺得比較油膩。最後緊係要整返個菜，叫左蒜頭炒A菜。炒得好好，好有獲氣，條條都會掛到少少清湯。唔會太油同太咸，炒得非常之好食！最後叫左炒沙芋，炒沙芋姐係將糖同一條條既芋頭一齊炒，炒到芋頭熟哂為止。你睇到佢個樣可能會以為佢好甜，但又唔係喎！拎起