暌記潮州飯店 (Closed)

很久沒有來了，看完三小時電影，想懷念加懷舊一下豉埱炒蜆，味道濃郁，不過蜆殼多了一點，欖菜四季豆，欖菜好咸呀，所以叫了一碗送粥好食好多加多一罐可樂招牌四寶，糯米大腸，炸芋頭棗，凌魚棗，墨魚棗，是我最愛滷水鵝片加蛋，一個字整

呢間都真係算係隱世嘅好味打冷，係一條好隱閉嘅街道，隔離仲係垃圾站。相信好少人會因為佢嘅外觀而有興趣入去食。但係冇估到佢嘅潮州菜係咁正宗，每一樣嘅味道都好好食，亦都唔會太鹹，蠔餅炸得啱啱好，豬紅好入味，蒸鱔亦都非常之鮮， 蠔仔粥都好多蠔好足料

～潮州椒醬肉傳統椒醬肉做法多元化、每間小店都會有自己嘅秘方、用來佐粥送飯都可以。暌記做法係個人喜愛乾身咸香果種、配合靈魂嘅菜脯同蝦米仔乾炒到乾乾身、送酒一流。～ 潮州春菜合格，熱辣辣、好味道。～ 鹵水鵝件普普通通，靈魂嘅鹵水汁缺層次、食落滿口只有醬油味。～ 烏頭魚飯合格～ 蠔仔粥蠔仔夠肥美、靈魂嘅其實係粥入面加咗嘅冬菜頭、咸咸香香、帶動及提升咗成碗蠔仔粥嘅層次、好味道。～ 椒鹽鮮魷老細捨得用大尾魷、夠厚肉，師傅功夫了得、入口皮脆肉嫩又夠鬆化、好味道。～ 啫啫鮮雞煲油潹潹、芡汁滑潺潺、真心唔識欣賞、加上過咗火嘅豬潤、成個組合係失敗嘅、呢個係師傅嘅問題～學壞師。。。～ 白飯中國大米、合格綜合係一間用心經營嘅街坊家庭式潮州打冷小店、支持！

這家是我比較喜歡的潮州食店,這食店的招牌四寶是我喜歡吃的,但因份量太大,這次只有三人,所以點了其他吃:1) 椒鹽九肚魚~~炸得夠乾身脆口,皮脆肉嫩,好味!2) 鹵水鵝件~~比較韌, 冇乜鹵水味。3) 避風塘炒蜆 ~~似潮式辣炒蜆多過避風塘炒,因冇乜蒜蓉,但蜆肉大冇沙。

今日真是美好的一天，相約了一大班朋友去郊遊，浩浩蕩蕩玩了一整天，在大草地上放風箏，小孩子追逐玩耍，回程時各人都又累又肚餓。年尾大家很想轉轉口味，靈機一觸決定大夥兒去吃潮州打冷。這家我不是第一次光顧，水準保持得好好，所以間中也來一次。反沙芋：香甜反沙，口感一流，本人至愛的食物之一，今次人多終於有機會點了，這裡確實製作得有水準。卥水大拼盤及卥水鵝片： 必食，味道也不錯，鵝片無骨最適合小朋友吃。蠔仔粥及煎蠔餅： 都是我至愛，蠔仔粥鮮味，蝏餅又香口，份量十足，啖啖都有蠔仔，有圖有真相啦！

依間野係小編老豆既飯堂，每次都要搭車去新蒲崗去食。依間打冷真係好出名一堆雜誌同人氣食家都訪問過。肉碎蠔仔粥 ＄55碗 / $95窩 *9分 (碗兩個人岩岩好，窩四個人差唔多）－ 好簡單一入去間店，你會發現幾乎每一張檯上面都會有蠔仔粥，可謂佢地既招牌名菜。咁認真，小編都覺得佢地整得真係唔錯，蠔仔都算大粒多肉又甜，粥入面既鹹菜鹹度適度好出，加埋小小胡椒粉真係幾野味。招牌四寶 ＄88 * 8分 招牌四寶由炸墨魚，粿肉，糯米卷同埋芋頭組成。❤️炸墨魚，入面有一粒粒墨魚肉爽脆兼彈牙，外皮卜卜脆。❤️炸粿肉，肉餡調味得好好同埋入味道，外皮卜卜脆。❤️糯米卷，小編最愛可謂小型糯米飯，有蝦米叉燒添加風味。❤️炸芋頭，芋頭其實炸得耐真石頭咁款，佢地炸得岩岩好。（提醒你地如果嗌左四寶，記得趁熱食如果唔係就會，變得相對黎講比較硬身同唔脆口）

今晚打算食潮州小炒，其中一間畀電視介紹過嘅，好多人排緊隊，轉去附近嗰間，等咗一陣就有位啦。呢間出名嘅係招牌四寶，因為都係煎煎炸炸，今日唔想食。至於點解無食打冷嘢，因為唔知道價錢囉，未睇到。先嚟肉碎蠔仔粥，蠔仔幾算大粒，肥美，冇腥味冇潺, 裏邊有啲冬菜頭，加重個粥嘅鹹味，弼底睇落好似好少，過咗一陣啲飯粒浸起咗就好似泡飯咁，會滿啲，不過但凡係外面食有味粥感覺好似都落左雞粉。八珍豆腐煲，好耐都無食過呢個餸，以前嘅八珍豆腐煲內臟比較多，呢個就有豬潤，豆腐，豬頸肉，豬肉，蝦，冬菇，魷魚，底下邊仲有啲芥蘭菜，味道係唔錯嘅，豆腐足，油少d有更合口味。另一款都好耐冇食嘅椒鹽九肚魚，要外脆內軟至好味，今次外邊炸得普通脆口，裏邊係好軟滑，但有一舊熟唔透, 唔使點汁都夠味道。本來叫馬拉盞通菜，但係冇通菜，侍應建議我哋轉豆豉鯪魚油麥菜，油麥菜切得比較短小，碎濕濕咁吸埋啲油，因為豆豉鯪魚裏邊嘅油份比較多所至，味道鹹咗少少，油麥菜份量比較少，唔夠食呢。朋友想試下呢度嘅反沙芋，啲糖溶解後放芋頭落去不斷炒勻至熟透，廚師將反沙芋先起鑊，將淨返嘅糖粉加入蔥白，蔥段落去再炒，所以食落有啲蔥香味，認為太甜嘅話可以撥走啲糖粉再

今日食打冷，都是想與你待在一起。新薄崗打冷，想必聯想到暌記飯店。沒有漂亮裝潢，但有舊式風味存於店內。一甫入門，已有不同樣式的冷吃供你挑選，琳琅滿目。叮叮同我大約7點到，枱子仍有兩三張可供挑選。蠔餅(1/5)少蠔、用雞蛋取替鴨蛋，蕃薯粉比例不匀。鹵水鴨件(3/5)沒有太大驚喜，平實之作。炸四寶(3/5)為了糯米釀大腸而來，當中還有炸芋頭、炸粿肉及炸墨魚卷。粿肉餡料用馬蹄跟豬肉釀製而成，但口感略嫌”梅”。椒絲腐乳通菜(2/5)一個字，好咸。綜合黎講：特色有，但保持不了。若有人冒名而來，會覺得名過其實。都係果句啦，同叮叮食好味既唔好味既，我都咁喜歡。而且試過先知邊樣我地都好鍾意食。更何況試完叮叮媽咪既蠔餅，我覺得係最好食，因為係用心。

傳統潮洲菜式真係買少見少,又要好味又想食到傳統手藝。自稱食家既朋友介紹,叫齊脚六條友去試下先去到唔算多人好快有位坐,不過衞生環境麻麻地,坐到周身唔聚財,又有陣味算啦,舊式菜館都係甘上下,是但啦。見到d菜名都好似幾特別,未試過餐牌有d菜冇寫價錢,ˋ記得要問呀姐先得。米粉都幾好味,芝麻好香。蠔餠不過不失。不過唔夠熱,咩料招牌四寶。四樣都差不多味,仲諗住好期待"㷄肉"。都食唔到d味。係直頭唔知食緊咩,又唔係話難食鵝件。正常。滷汁好少。d肉都ok既。本身想叫鵝片不過呀姐話鵝件抵食d喎成餐飯除左餵飽左自己之外,都覺得麻麻地

味道一般，但服務態度超差！時價就等於唔比人問價？問完唔啱唔要就用潮州話話人”冇錢食唔起”？真費解？咩道理？用乜嘢標準去評定一個人有錢定冇錢？真係好耐冇比人評頭品足過，一個老人家著得街坊d同屋企人食一餐便飯啫？唔使着到去飮呀？冇標價問下時價都好正常吖！洗唔洗用d咁尖酸刻薄嘅說話去同d同事講笑？香港其實好多潮州人架，唔係得你幾個識聽！我想同家人食吓家鄉嘢，估唔到會食到成肚氣。狗眼看人低，以後唔會再去「永不錄用」。

今日同朋友一行5人落開新蒲崗，順便去暌記食飯先，因為大約半年前去過印象中幾OK，價錢亦合理，一坐下來就叫咗個招牌四寶我個人特別喜歡食呢度嘅糯米腸，再嚟蠔餅又香帶有少少脆，D蠔仔冇腥味新鮮正呀！呢度滷水鵝亦出色，有滷水鵝又點小得配個韭菜豬紅襯托一下但韭菜豬紅就有啲失色味道非常普通小菜就叫咗咕嚕雞球但略嫌雞球炸得太硬有啲過火，蝦醬鮮魷煲非常嘢味仲配合埋炸豆腐喺裏面小菜味道0k，如果再有機會去新蒲崗， 一定會再去食下

周三晚上7時到店直入有位，7:30左右已座無虛席第三次光顧本想點個潮州三寶下粥最後還是偏愛蜆仔肉，點了個香蔥蜆仔肉再來每次必點的滷水鵝腸拼生腸鵝腸不肥、油膏清得七七八八生腸爽脆、滷水汁不會一味靠喊，鹹味適中點了小窩鹹菜豬肚湯豬肚粉腸清理得非常乾淨、完全沒有苦澀味個人不嗜辣、覺得胡椒味剛剛好如果鍾意食辣嘅朋友一定會覺得個胡椒味不夠重如果怕食芫荽嘅朋友，切記走芫荽點了太多內臟還是想吃一點蔬菜平時一定會叫春菜，今日想來一個鹹肉炒韭菜花鑊氣十足、鹹肉不會過鹹，非常好吃2人點了兩碗潮州粥、一個白飯埋單都係＄275、抵食！希望地方可以乾淨多啲啲、地下唔好咁多紙巾牙籤

^很小碟的滷水拼盤。滷水汁很少，不入味，滷水味道也很一般。芽菜有一點豆腥味，鵝腸亦不夠爽口。^由於味道太淡，唯有沾點拼盤附設的醬汁。 這醬汁非常咸， 感覺亦只有咸味。結果是不沾醬太淡，沾醬卻太咸。^肉碎蠔仔粥有一碗或一鍋可選擇，今次點了一碗，大概可盛5小碗。潮州蠔仔粥即是湯飯，白飯粒沒有過腍。 這蠔仔粥質素不算突出， 但已是今餐最好的一道菜。^令人非常失望的一道菜。蝦餅本身味道不濃，也吃不出明顯的調味。 這裡也沒附上任何醬汁。整道菜就是一個字—寡！^可看到碟上有不少油，入口很油膩，加上蝦餅沒什麼味道，油味更濃。^考功夫的反沙芋。原以為與市面上其他反沙芋一樣，只以白糖和芋頭所製，想不到這間有下蔥和有薑味，對比其他餐廳只用蔥油不用蔥，實在不太習慣甜品裹有實體。^有些芋條雖然順利裹上起沙的糖，但略嫌炒得不夠，上沙不均勻。也有不少芋條沒有上到沙，而廚師也只是略略把糖碎隨便灑在表面。總結，這一餐飯令人非常失望，價錢比不少潮州老店貴，可是很多潮州食店水準都比這店好，不會再次光顧。

夜晚係付近做完運動 揾個地方食宵夜入到餐廳 都幾大同闊落雖然只有三幾枱客 但卻非常嘈吵同朋友係付近既超市買左個M字頭既家庭裝雪糕 打算回家吃雖然有乾冰 但天氣嚴熱 都係諗住雪一雪會較好一問之下 得到既答案竟是 : "無冰櫃" 感覺只有大話同唔helpful 餐牌上都幾多選擇諗左一陣 決定左點 啫啫鮮雞煲 同 豆豉鯪魚炒油麥菜落餐時 女侍應問我地要唔要白飯 我地話:要再叫 佢堅持要我地一次過落不知哪裡來的堅持 我地就話要一碗先來的是豆豉鯪魚炒油麥菜這個還不錯不會太喊 份量也適中 菜炒得幾好接著來的啫啫鮮雞煲就有點失望了首先 雞已不是鮮雞 又不入味豬潤太熟 整個雞煲不香口 似係一早準備好 整返熱就俾客人食

潮州菜老店一間，潮州食物款式齊備，每次諗起潮州菜都會諗起佢，不過永遠唔鍾意佢地方太嘈，因為鋪頭樓底極低，聲音大回音更大。今天一行5人叫了六個小菜及一個蠔仔粥。滷水食品入味、今次特別介紹蝦棗，我都係第一次食，彈牙、有咬口，入面吃得出不是外面買回來的小丸子，因為要真打先有這個彈牙感覺，放下地可能會彈起😁。另一個是兩面黃、 呢個真係唔係好多潮州鋪頭有得吃，麵餅炸起金黃色無油，要讚，應該要大火重覆再炸先可以有呢個效果。以前好鍾意食辣椒油，因為夠辣夠香，不過今次食好似差好遠，唔辣唔香。