禮 (打鼓嶺道)

Open Now

Now Closed

九龍城果真係美食天堂😍今晚又被我發現左一間好正嘅居酒屋🏮我同朋友實在太耐無見，一坐低🪑先啤一啤佢🤣店員介紹原來有個兩小時任飲啤酒🍻/清酒優惠🍶，我哋揀咗啤酒😋店員亦好快手上左前菜同漬物，好好味😋，特別係個前菜，應該係牛舌醃一啲蘿蔔青瓜🥒味醂魚乾，飲啤酒嘅必需品😍一條接一條，啤酒都飲咗一杯☺️黑松露帶子反卷，大份又足料，帶子刺身上面仲有啲黑松露同蝦籽，好味🤤極上刺身三品，滿足刺身胃🥴又有三文魚，油甘魚，仲有帶子同刺身蝦，新鮮鮮味😃叫左幾樣串燒，紫蘇豚肉卷，厚切牛舌芯同牛蒡素肉丸串，三樣都好出色，特別係牛舌，可以用一流黎形容，厚實又多汁❤️唐揚炸雞🍗，呢個叫黎都係配啤酒，又估唔到咁好食，香脆又好juicy🤤高湯玉子燒，單純嘅清甜蛋味，無多餘嘅配菜👍🏻月見醬唐揚飯團🍙，呢個真係要點黎食，有驚喜😳個蛋黃完全💯好有蛋味，提升咗飯團嘅味道👅黑松露芝士燒蠔，兩種味道又幾夾，唔會好搶大家，同時隻蠔又幾鮮味😝最後黎多個甜品，名靚又好味，叫薯上白雪，其實係豆腐雪糕配上燒左嘅甜番薯🍠，好好食，加分加分❤️❤️