Video
Read full review
2021-10-30
902 views
我同朋友身處喺銅鑼灣想食泰國菜，第一時間就醒起地庫有間「小曼谷泰國美食站」。雖然銅鑼灣店就無食過，但九龍城店我可算係由細食到大😉。小曼谷環境唔錯，有花心思喺裝修方面。基本上未入店內，你已經可以見到門口有大大架火車🚄。同時，呢度座位闊落，冷氣充足，客人坐得舒服。餐廳賣嘅泰國菜選擇幾多🇹🇭，每個類別都有十款八款揀，實在令人眼花撩亂。我哋兩條友嗌咗三碟嘢，夠食有突。價錢屬中上水平，埋單每人二百五蚊左右。極上燒安格斯西冷牛小排($238)，齋睇價錢會覺得牛小排有啲貴，因為都成兩嚿幾水。🥩不過佢份量都多，切件後分兩行排列，夾夾埋埋有成廿嚿。牛小排生熟度控制得宜，肉身呈粉紅色，但可能受部位影響，肉質有少少韌。隨牛小排搭配翠玉瓜同車厘茄🍅，有清清味蕾嘅作用。小曼谷炒米粉($88)，炒米粉好大碟，賣相幾吸引。菜式以餐廳名命名，相信即係雜錦口味🤣。麵條用上幼身嘅銀絲米粉，口感彈牙，唔易截斷，炒得入味。另一邊廂，炒米都落咗幾多餸料一齊炒，包括鮮蝦、蟹柳、蛋、扎肉、洋蔥同菜等，食起上嚟味道層次豐富🦐。鐵板豬頸肉啫椰菜苗(馬拉盞)($102)，鐵板上果然寧舍唔同，因為真係夠晒熱，仲有吱吱聲添🔥。椰菜苗炒得好有
我同朋友身處喺銅鑼灣想食泰國菜，第一時間就醒起地庫有間「小曼谷泰國美食站」。雖然銅鑼灣店就無食過，但九龍城店我可算係由細食到大😉。
小曼谷環境唔錯，有花心思喺裝修方面。基本上未入店內，你已經可以見到門口有大大架火車🚄。同時，呢度座位闊落，冷氣充足，客人坐得舒服。
餐廳賣嘅泰國菜選擇幾多🇹🇭，每個類別都有十款八款揀，實在令人眼花撩亂。我哋兩條友嗌咗三碟嘢，夠食有突。價錢屬中上水平，埋單每人二百五蚊左右。
極上燒安格斯西冷牛小排($238)，齋睇價錢會覺得牛小排有啲貴，因為都成兩嚿幾水。🥩不過佢份量都多，切件後分兩行排列，夾夾埋埋有成廿嚿。牛小排生熟度控制得宜，肉身呈粉紅色，但可能受部位影響，肉質有少少韌。隨牛小排搭配翠玉瓜同車厘茄🍅，有清清味蕾嘅作用。
小曼谷炒米粉
$88
14 views
0 likes
0 comments
小曼谷炒米粉($88)，炒米粉好大碟，賣相幾吸引。菜式以餐廳名命名，相信即係雜錦口味🤣。麵條用上幼身嘅銀絲米粉，口感彈牙，唔易截斷，炒得入味。另一邊廂，炒米都落咗幾多餸料一齊炒，包括鮮蝦、蟹柳、蛋、扎肉、洋蔥同菜等，食起上嚟味道層次豐富🦐。
鐵板豬頸肉啫椰菜苗(馬拉盞)
$102
11 views
1 likes
0 comments
鐵板豬頸肉啫椰菜苗(馬拉盞)($102)，鐵板上果然寧舍唔同，因為真係夠晒熱，仲有吱吱聲添🔥。椰菜苗炒得好有鑊氣，馬拉盞味鹹香十足，勁惹味，而菜苗本身就夠細嫩。同時，佢加埋豬頸肉一齊炒🐷，感覺即刻正好多，但食到尾底部就避免唔到有啲油。
泰式冰奶茶
$33
21 views
0 likes
0 comments
總括嚟講，小曼谷無令人失望，食物味道不俗👍，環境同服務等方面亦幾好。最後，餐廳仲好識做，送上現金優惠券俾客人下次使用，刺激消費😛。
Post
