蒙麵

Open Now

Now Closed

蒙麵可能係最囂張嘅車仔麵檔，有啲規矩要守架，但真係好好食好抵，大大份，叫三餸都係$50-60。座位真係得10個，一定要排隊，仲要排20分鐘起跳添，所以食飽都急急腳走囉。*米粉+招牌辣汁+牛腩汁 (三餸起)揀米粉可以索湯，腩汁係基本，辣汁必須加，微香辣令湯底更加惹味。蘿蔔 $11三塊大蘿蔔，清甜軟腍，但未夠索湯。*滷包仔豆腐 $14三大塊滷豆腐，滷得少入味，我心目中必叫。溏心滷蛋 $142隻滷鴨蛋，半熟蛋黃啱啱好，但滷水汁好淡，而且未有鴨蛋蛋香，不過價錢好抵。五香牛筋 $16牛筋有四至五塊，煮到好腍好軟綿，但五香未夠重。*辣味魷魚 $16分開單獨上菜，份量唔少，魷魚彈牙，辣得過癮又入味。新鮮花甲 $38雖然花甲份量唔多，但每一隻都好飽滿，而且令到湯底更加鮮甜(有比較有傷害)。招牌蜜汁叉燒串 $30即叫即燒，仲不設加單。大約食到一半就有得食。價錢唔平，但做到叉燒該有嘅焦香、蜜糖甜味。肉質有啲肉汁、少少韌，越咬會越香。沙嗲韭菜豬紅 $28碗底全部都係韭菜，豬紅起碼有十幾粒，綿但又彈牙哦，係靚豬紅！沙嗲汁香又微辣，淡淡花生味，非常夾。