麵屋一燈 (Closed)

係網上睇到好多關於麵屋一燈嘅文章，話係東京no.1拉麵。當然要試下。 咁出名一定排隊排到傻啦，但我地好好彩。夜晚咁岩經過就行去睇下喇。點知一個人都無，行去問仲有無得食，原來得反兩款麵。 唔緊要。照試下先。難得唔洗排隊入到去裏面裝修風格有別於其他拉麵店，主要用淺色木為主，感覺舒服乾淨，有禪意。我哋坐咗係bar檯望住維多利亞夜景，景色一流! 我地分別嗌左秘製醬油拉麵同濃厚魚介拉麵。依到係無得揀自己喜好嘅，但佢煮出黎既麵質都好合適無話太硬太林身。佢既湯底好濃郁同好鹹。飲左好多杯水去中和返。 但我個人覺得拉麵要夠鹹先係正宗！同埋就因為佢夠濃郁所以佢湯掛麵嘅程度做得好好，每一啖面就算唔需要匙羹都可以飲到！另外每碗麵都有一塊叉燒同一塊雞肉。 叉燒一咬落口有啲震驚！ 係有史以來食過最好味嘅叉燒（好林食但又唔係梅左個隻）係衣兩款麵之中。 我會揀秘製醬油。原因係魚介嘅味有小許魚腥味， 同埋魚介肉質好鞋。價錢方面都係比較貴，因為始終都係海港城入面。128$一碗。但都算值得， 環境服務食物質素都算滿意。 可以再幫襯！