窩子

Open Now

Now Closed

新蒲崗嘅窩子之前都已經食過幾次，最鍾意嘅就係窩子嘅甜品，再次嚟食甜品依然冇令人失望，而鹹食質素都唔錯，好適合同朋友一齊黎聚會。慢煮手撕豬腩窩夫三文治窩夫三文治超級大份，而且手撕豬腩肉份量好多，經過慢煮嘅豬腩肉入口依然好嫩滑，食落唔會好乾，口感依然濕潤。所以配合窩夫一齊食，唔會覺得成口乾晒，即使係鹹食嘅窩夫都幾夾。香煎牛油帶子配自加製椰子雞湯意大利飯帶子煎到好香，入口依然好嫩。椰子雞湯係泰式嘅味道，意大利飯入口帶香茅嘅香味，食落味道都幾配合。糖不甩麻糬窩夫窩夫加咗好多好香嘅椰子碎片，黑芝麻粉同煉奶，食落去好有格仔餅嘅感覺。麻糬窩夫比普通窩夫食落去更煙靭，我更喜歡麻糬窩夫嘅口感。另外椰子雪條食落味道係好天然嘅椰香，唔會係好甜嘅味道，配埋窩夫一齊食味道剛剛好。熱情果手搖冰茶白桃手搖冰茶白桃同熱情果味都唔會太甜，飲落清新解渴。