Video
Read full review
2022-02-07
194 views
一山還有一山高。之前食過灣仔鳥華亭的雞白湯拉麵，已經覺得好食，今次試埋來自大阪的中環「座銀」（跑馬地另有分店），更見驚艷。排隊時同店員哥哥傾偈，先知之前食過附近的魚湯拉麵◯de▽係屬同一集團，兩者各有千秋。座銀貫徹日本貴精不貴多風格，只提供3款麵食（雞白湯、海鮮雞湯同沾麵），同3款小食（炸雞、牛蒡飯、煙燻蛋），專注只做幾樣，出品更有保證。試左最基本的雞白湯（$138），雖然個碗好大，但麵同湯的分量唔會好多，女仔食剛好。先飲一啖湯，個味道完全係喺日本食過的味道（雖然當時唔係食座銀），雞味極之濃郁，好重膠質，但唔鹹，面頭有一層由雞湯打成的薄薄泡沫，增加層次感。麵條冇得㨂曲直同軟硬度，看來店家好有信心佢煮的已經係最配合個湯嘅效果。果然微曲帶點粗的麵條掛滿湯汁，而且爽滑煙韌，帶點蛋香。掛在旁邊有一塊雞肉同一塊豬肉，放回湯裏浸一陣，雞肉同豬肉都保持嫩滑，兼且有肉香。實在要一讚旁邊炸成一捆的牛蒡絲，香脆惹味，一啖麵一啖牛蒡絲，口感相映成趣，但兩者又唔會互相搶去味道，就算佢獨立成為一款小食都可以。上次已講過，雞白湯已成為我頭號最愛湯底，而呢間亦已超越左鳥華亭暫時成為香港雞白湯拉麵第一位（我覺得），佢
之前食過灣仔鳥華亭的雞白湯拉麵，已經覺得好食，今次試埋來自大阪的中環「座銀」（跑馬地另有分店），更見驚艷。
排隊時同店員哥哥傾偈，先知之前食過附近的魚湯拉麵◯de▽係屬同一集團，兩者各有千秋。
座銀貫徹日本貴精不貴多風格，只提供3款麵食（雞白湯、海鮮雞湯同沾麵），同3款小食（炸雞、牛蒡飯、煙燻蛋），專注只做幾樣，出品更有保證。
試左最基本的雞白湯（$138），雖然個碗好大，但麵同湯的分量唔會好多，女仔食剛好。先飲一啖湯，個味道完全係喺日本食過的味道（雖然當時唔係食座銀），雞味極之濃郁，好重膠質，但唔鹹，面頭有一層由雞湯打成的薄薄泡沫，增加層次感。
麵條冇得㨂曲直同軟硬度，看來店家好有信心佢煮的已經係最配合個湯嘅效果。果然微曲帶點粗的麵條掛滿湯汁，而且爽滑煙韌，帶點蛋香。
掛在旁邊有一塊雞肉同一塊豬肉，放回湯裏浸一陣，雞肉同豬肉都保持嫩滑，兼且有肉香。
實在要一讚旁邊炸成一捆的牛蒡絲，香脆惹味，一啖麵一啖牛蒡絲，口感相映成趣，但兩者又唔會互相搶去味道，就算佢獨立成為一款小食都可以。
上次已講過，雞白湯已成為我頭號最愛湯底，而呢間亦已超越左鳥華亭暫時成為香港雞白湯拉麵第一位（我覺得），佢係最接近日本味道，如果想一解鄉愁，呢度好值得一來，雖然頗貴。
Post
