霸嗎拉麵 (德己立街)

Open Now

Now Closed

今日雖然全日雷暴警告，但無改變我們的計劃，去蘭桂芳啤酒節奏熱鬧，但落雨又點可以係街食，經過呢開新開的拉麵店，決定先食晏。以前認識日本拉麵不多，近年開始食過許多間本地的、日本人開的都有，結論最欣賞這一家，因為只有霸嗎先至有咁好食的五花腩。非常肥美，有入口即化的口感，而且煎過非常香，湯底濃郁但唔太油。我點了$97 的紫菜炙燒豚肉味玉拉麵，有四大塊紫菜，味玉非常糖心軟滑。同伴點佐$93 的辛辣炙燒豚肉味玉拉麵(中辣)，唔算好辣，下次應該選大辣。頭有炸蒜、黑胡椒及七味粒自助，加香，但其實夠味。麵好食，湯濃但唔油，五花腩正到魂，唔怪得禮拜日落雨都滿座，但只等了兩個人就有位。