勝面 (Closed)

勝面係台灣過江龍餐廳 主打非一般嘅麻辣牛肉麵 餐牌都幾多選擇🫡-台式鹽酥雞滷肉飯鹽酥雞都夠脆 好夠椒鹽味 幾滑😋 啲飯偏淋身 個滷肉汁唔會太過鹹👍🏻👍🏻 滷肉就正常 無話特別滑🫠 有細細粒冬菇 好淋同好滑😗 飯就唔算好多 不過有好多餸❤️‍🔥 -招牌麻辣·牛三寶 $88 有得揀湯麵/ 拌刀削麵/ 湯飯 而湯麵有關廟麵/ 新竹米粉/ 手工刀削麵👍🏽 揀咗關廟麵 感覺似淋啲嘅拉麵😂 如果想啲麵淋啲/ 硬啲可以提早同侍應講👌🏻 麵就唔算多 但真係有好多餸😋 牛三寶分別係牛頸脊肉，牛頰肉同牛腱心 三款都好重牛香味 可以同時間試曬三款口感嘅牛肉🥰 辣度方面 少辣都算辣 偏油🥱 另外配有豆腐同鴨血 豆腐係嗰啲蜂巢豆腐 鴨血好滑同幾入味 充滿台灣風味❤️‍🔥-抹茶歐蕾熔岩食完個麵要飲返啲嘢解膩😋 呢個飲品超重奶味 有好大舊布丁🍮 舊布丁幾滑 而啲綠茶味中和返布丁嘅甜味 雖然綠茶味可以再多啲 不過整體嚟講幾好飲👍🏽