保家山 (Closed)

肥雞平日好鍾意去觀塘駱駝漆大廈度尋寶，入邊除咗有好多聽嘅嘢賣至愛，仲有好多本地小店，今次肥雞就揀咗呢一個非常之有長洲搶包山特色嘅手工漢堡專門店，佢叫保家山。肥雞嗌咗個芝士薯條，佢嘅芝士醬係用幾種唔同嘅芝士混合組成，所以佢嘅芝士味非常之出色，而且佢一啲都唔吝嗇佢嘅醬汁，肥雞每條薯條都點到芝士醬，係一件非常幸福嘅事。咁肥雞就嗌左佢嘅傳統手工和牛漢堡，佢嘅和牛牛味非常之濃郁，烤得香脆嘅麵包配埋解暑嘅生菜蕃茄同埋沙律醬，真係令肥雞喜出望外。