勝面 (Closed)

今日同朋友行過旺角食lunch咁我哋見到呢一間餐廳裝修都幾ok咁就入咗去試下。 因為其實本人都幾鍾意食台灣嘢。我哋叫咗以下:人氣清燉牛腱心： 其實佢呢個牛我見到佢寫明嘅用美國牛， 咁我就試下佢呢一個麵， 個牛幾嫩滑同埋牛肉都有好香燶嘅牛味同埋食落去塊牛肉幾有質感同埋有拗口、同埋亦都唔會太韌。 所以我個人己推薦呢一個麵。台式酥炸三寶： 有甜不辣、鹹酥雞、同地瓜條， 其實呢一個小食，每一道食物都做得幾好， 而我就比較偏愛於鹽酥雞因為鹹鹹地脆脆地同埋都有幾香嘅雞肉味，以餐前小食嚟講，呢個都ok 可以翻兜。鮮熬豚骨豚白肉配米粉: 呢一個米粉係我朋友order嘅，咁我試咗少少佢啲米粉幾幼細同埋我欣賞佢個湯，因為佢個湯底豬骨湯做得唔錯，相信應該淆製咗一段時間先有咁嘅效果，如果喜爱食米粉嘅朋友，我己推薦呢一個米粉.。鴉片黑糖波波鮮奶茶: 呢個波擺奶茶我覺得有香濃嘅茶味所以食完啲咸嘢再飲返啲甜嘢balance返，我覺得都唔錯。如果大家行過朗豪坊可以試下呢一間餐廳面或者飲品，我個人覺得都幾好食，大家可以一試。