螢火

一直都有2個一齊食好西嘅隊友，因為真係好耐冇見所以搵間鐵板燒食下，都係我哋第一次一齊食鐵板燒，加上我真係好鐘意食鐵板燒。今晚去到覺得環境都算ok，不過抽風可能麻麻地，有陣油煙味，到走左出去成身都係味~~講反食物，先上前菜係沙律，因為冇乜美感所以都冇影到，似平時食定食嘅沙律咁一碗，之後係送嘅海膽杯，我覺得不如歸納為前菜小食好似恰當點，一篤仔，當然免費送嘅期望都冇特別高，反而鵝肝魚子蒸蛋幾滑幾好食，其他菜式冇咩特別介紹同埋覺得有啲過左火喉，南非鮑魚好難咬，放棄左半隻冇食，龍蝦求其切到好大舊，另外個餐有蟹，似急凍融雪所以黑胡椒落太多了，不過整體吾算好差，不過不失，只係感覺一切都有啲求其，就好似求其整熟求其擺碟，不過食材新鮮，人圴1640，呢個價錢性價比比較低