208 ITALIAN

Open Now

Now Closed

行到門口，已經畀佢好鮮豔嘅顏色吸引。裏面裝修好靚好舒服，吧檯位置裝飾得好有氣氛，喺度happy hour應該好好氣氛。佢嘅lunch menu唔貴，$138有前菜主菜，甜品飲品就要加錢。首先跟餐嘅麵包已經好好味，係餐廳自己出品，又暖又軟，因為太好味叫侍應畀多一份！佢嘅前菜份量一啲都唔少，Insalata Di Polpo嘅八爪魚好惹味，配麵包非常適合。另外份奄列Frittata Primavera係素菜，比較清淡。主菜嘅Tagliatelle Alla Bolognese麵身應該都係自家制，硬度適中。不過個7” Pizza就有少少失望，比較厚身。我見佢晚餐menu啲pizza應該係拿玻里pizza，比午餐呢個靚好多。最後甜品加$25叫咗個Tiramisu，味道適中唔會太甜，好食。最後呢度啲職員服務非常好，又有禮貌又有笑容，食得好舒服。