Video
Read full review
2021-10-28
328 views
通常新開的餐廳都好吸引，但我同同事今日嘅體驗真係好一般... ...大角咀大全街一向都好多美食，今日一行3人行過，見呢間潮州菜館係新開的，款式都幾多幾吸引，一於試吓。門口幫手帶位嘅姐姐好有禮貌，我哋好快已經坐低咗，而且呢位姐姐好快已經幫我哋落單，我哋點咗2個土魷肉餅煲仔飯、1個豉蒜涼瓜炒鱔球。每個餐都可跟1個飲品👍土魷肉餅煲仔飯$68。上到枱一掀開煲蓋，成堆芫茜（因為我唔係芫茜黨啫，夾開咗，無嘢）😭見塊肉餅唔係大塊，而且都好薄吓，大約少過半吋厚... ... 每個煲仔飯只係跟1碟好細碟嘅豉油，都唔係好夠😩唔緊要，試吓啲肉餅同飯先，肉餅味道ok呀，只係薄得滯無乜口感。飯方面真係好唔掂，因為飯太多水，根本煲得唔夠乾身，而且太腍了，我同同事都認為完全唔合格😅（好味嘅煲仔飯嘅飯粒應該要好乾身，彈牙得嚟又唔會過硬）豉蒜涼瓜炒鱔球$60。同事話味道都幾好👍飲品，我哋點咗熱咖啡、凍檸茶、熱檸水。熱檸水真係嚇死人，只有2片極薄嘅檸檬，我同事篤到2片檸檬穿哂都話無乜味，點解水吧師傅刀工好成咁🤣反而凍檸茶有4至5塊左右極薄嘅檸檬（仲薄過熱檸水嗰2片）🤣🤣然後我哋食煲仔飯食咗一陣，真係唔夠豉油，就請伙記俾多
大角咀大全街一向都好多美食，今日一行3人行過，見呢間潮州菜館係新開的，款式都幾多幾吸引，一於試吓。
門口幫手帶位嘅姐姐好有禮貌，我哋好快已經坐低咗，而且呢位姐姐好快已經幫我哋落單，我哋點咗2個土魷肉餅煲仔飯、1個豉蒜涼瓜炒鱔球。每個餐都可跟1個飲品👍
土魷肉餅煲仔飯$68。上到枱一掀開煲蓋，成堆芫茜（因為我唔係芫茜黨啫，夾開咗，無嘢）😭見塊肉餅唔係大塊，而且都好薄吓，大約少過半吋厚... ... 每個煲仔飯只係跟1碟好細碟嘅豉油，都唔係好夠😩唔緊要，試吓啲肉餅同飯先，肉餅味道ok呀，只係薄得滯無乜口感。飯方面真係好唔掂，因為飯太多水，根本煲得唔夠乾身，而且太腍了，我同同事都認為完全唔合格😅（好味嘅煲仔飯嘅飯粒應該要好乾身，彈牙得嚟又唔會過硬）
豉蒜涼瓜炒鱔球$60。同事話味道都幾好👍
飲品，我哋點咗熱咖啡、凍檸茶、熱檸水。熱檸水真係嚇死人，只有2片極薄嘅檸檬，我同事篤到2片檸檬穿哂都話無乜味，點解水吧師傅刀工好成咁🤣反而凍檸茶有4至5塊左右極薄嘅檸檬（仲薄過熱檸水嗰2片）🤣🤣
然後我哋食煲仔飯食咗一陣，真係唔夠豉油，就請伙記俾多2碟，伙記都有應話會拎嚟，但態度好麻麻！其實嗰陣時都唔係滿座，但叫極都仲未拎嚟，我同同事都有啲嬲，其實唔俾咪話無得再俾囉，唔好咁樣應完當無事！最後喺10分鐘內叫咗3次，先拎出嚟😔
我真心好想俾劣評，但見佢新開張就算啦，希望呢間餐廳會有改善。
Post
