Video
Read full review
2023-02-18
1176 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗旺角有超勁多樓上 cafe，試過唔少間，食物質素都好一般，攪到我成日都有個 idea 係，呢類 cafe 坐吓傾偈就好，嘢食嘢飲就唔好太有 expectation，唔好食係正常不過！今次約朋友hea 吓傾吓偈又可能玩吓 board game，就揀咗呢間試吓，去到嘅時候，店入面嘅檯已經full 咗，店員帶我哋去隔離另外一個單位。網上見到D 人講佢嘅 pizza 好食，見單叫 pizza 加埋一個飯 / 意粉已經貴過套餐，就決定叫個二人套餐（$358），套餐有1個 pizza + 1個飯/意粉 + 炸蟹餅 + 2杯飲品。叫完嘢食，就去隔離單位睇吓有咩玩，原來都有好多game，仲見到有D 旅遊書，揀咗一盒 board game。🍴西西里 pizza好少上樓嘅cafe 會寫自己嘅pizza 係手工pizza，仲要係用00 麵粉！00麵粉係最幼細嘅麵粉，吸水力係最高，有相對好嘅筋度同延伸性。Pizza 10吋大，上面有辣肉腸、腸肉粒、蘑菇、火箭菜、茄醬，咬落去餅底香脆又有咬口，好味！🍴黑松露雜菇意大利飯意大利飯好 creamy，軟硬度適中，黑松露
回頭指數 ⭐️⭐️⭐️⭐️
開心指數🤗🤗🤗🤗
旺角有超勁多樓上 cafe，試過唔少間，食物質素都好一般，攪到我成日都有個 idea 係，呢類 cafe 坐吓傾偈就好，嘢食嘢飲就唔好太有 expectation，唔好食係正常不過！今次約朋友hea 吓傾吓偈又可能玩吓 board game，就揀咗呢間試吓，去到嘅時候，店入面嘅檯已經full 咗，店員帶我哋去隔離另外一個單位。
網上見到D 人講佢嘅 pizza 好食，見單叫 pizza 加埋一個飯 / 意粉已經貴過套餐，就決定叫個二人套餐（$358），套餐有1個 pizza + 1個飯/意粉 + 炸蟹餅 + 2杯飲品。
叫完嘢食，就去隔離單位睇吓有咩玩，原來都有好多game，仲見到有D 旅遊書，揀咗一盒 board game。
🍴西西里 pizza
好少上樓嘅cafe 會寫自己嘅pizza 係手工pizza，仲要係用00 麵粉！00麵粉係最幼細嘅麵粉，吸水力係最高，有相對好嘅筋度同延伸性。Pizza 10吋大，上面有辣肉腸、腸肉粒、蘑菇、火箭菜、茄醬，咬落去餅底香脆又有咬口，好味！
西西里 pizza
30 views
0 likes
0 comments
🍴黑松露雜菇意大利飯
意大利飯好 creamy，軟硬度適中，黑松露味、菇味同芝士味好 balance！
黑松露雜菇意大利飯
22 views
0 likes
0 comments
🍴炸蟹餅
熱辣辣，配泰式酸甜醬，呢個小食唔錯～
炸蟹餅
19 views
0 likes
0 comments
🍴熱水果茶（+$30）
入面有新鮮士多啤梨粒、橙同薄荷葉，再加咗菠蘿汁、百香果汁，酸酸甜甜好好飲，我覺得加咗薄荷葉飲落好清新，係其他店比較少見。
水果茶
13 views
0 likes
0 comments
🍴熱榛子朱古力（+$6）
非常濃郁嘅朱古力！
榛子朱古力
13 views
0 likes
0 comments
整體上食物質素唔錯，我都估唔到平日夜晚兩邊單位都會 full 晒！上樓 cafe 中，我覺得係排行頗前嘅選擇！另外雖然有兩邊單位，但按鐘後店員勁快過到嚟，亦都不時有過嚟執檯，服務都幾唔錯！
☆follow my IG @tracyloveliving ☆
Post
