巴剎雞飯 (Closed)

Fri 26th May 高街，真係好高。不過唔使驚，善用 西營盤地鐵站 般咸道 C 出口，行落一個街口就到。間鋪裝修亂中有序，好似好多雜物，但係又好乾淨，等嘢食嘅時候唔會悶。好明顯佢哋對佢哋嘅豬油渣好有信心。必食嘅煙燻雞，可惜部煙燻機俾食客熱嘅order打殘咗 OOO，唯有下次再試。姜蔥豬油渣撈麵豬油渣大大粒粒甘香，折壽都要追住食。千祈唔好忽視D姜絲 (唔好投訴啊，我見過喺馬拉係咁寫㗎)。啲姜絲切得好絲，砧板好刀工。好Juice 伴住D豬油渣食好解漏，下次再食，要叫佢加姜𢇁至得。另外一個招牌菜 巴剎雞。都係皮脆肉嫩啖啖肉咁啦，好食係預咗。no further comment 。手抓餅。薄薄嘅餅底，濃郁嘅咖央、花生、椰絲。香口惹味。作為一個簡單嘅3點3，就Next To Perfect。下次要早啲嚟，七點前。晏啲就座無虛席。佢哋嘅串燒，上嘅時候係有粒發熱嘅嘢，暖住啲串燒，好細心。