Espuma (M88)

Open Now

Now Closed

唔可以以為中環區食飯一定好貴，Espuma係西班牙主打嘅fusion餐廳，源自Novell集團嘅高級咖啡廳，推崇嘅係歐洲寧靜輕鬆嘅環境去品嚐濃郁嘅巴塞隆拿咖啡。不過晚餐佢都有做套餐。基本$398已經可以有Starter, Soup, Mains同dessert，絕對抵食。我就試咗以下呢幾樣：Sangria西班牙餐廳一定唔少得要飲嘅！有青紅蘋果，橙同rum嘅punch，清甜可口易入口！Onion Soup經典法式洋蔥湯，熱熱地飲落好嫩胃。Grilled Red Pesto Clamari用濃濃郁香草燒嘅鮮魷真係好惹味，食嘅時候一定要點糖漬檸檬，佢係好似粉狀咁嘅質地，鹹同酸嘅平衡攞得好啱。Tenderloin Beef用Pan燒嘅牛柳，燒到外面少許燶但入面仍然可以半生熟，口感好正。完全食到牛肉嘅味道。配合香煎甜薯餅，鹹同甜味嘅交集，再加上火箭菜沙律嘅side dish，一個生態平衡嘅菜式就係咁樣。Mixed Fruit Custard雜果新鮮不在話下，更加正嘅係吉士忌廉泡芙配士多啤梨汁，係甜上加甜嘅組合。為整個餐畫上完美嘅句號。