九十番地居酒屋

Open Now

Now Closed

呢間係尖沙咀酒店既居酒屋環境真係相當唔錯，地方闊落之餘佢嘅裝修都幾有特色仲播住一啲日文歌，好有氣氛👍🏻辣味三文魚小卷味道豐富，三文魚新鮮而且入口即化，辣味增添咗一絲刺激感😊雜錦天婦羅：最令我讚嘆嘅係佢嘅大蝦，應該係用上新鮮嘅蝦，超級爽脆彈牙😍山口縣瓦片牛肉蕎麥麵：呢個入面嘅配料超豐富，有蛋絲、紫菜、辣蘿蔔加上薄牛肉同埋蕎麥麵配埋醬汁，口感超豐富❤️之後我哋叫咗一大堆串燒用黎配酒：雞皮燒得好香脆、雞肝味道濃郁，配上佢嘅特製醬汁，食落去更加滋味、五花腩既油香好正，每一啖都係滿滿嘅肉汁、薄牛肩片口感軟嫩，牛肉味濃郁、鹽燒雞翼外皮香脆，鹽味剛剛好，內裏嘅雞肉嫩滑多汁，師傅真係燒得好出色😍