貊炙

Open Now

Now Closed

放工個客仲想傾，同我黎左呢間燒肉，環境同氣氛都幾好，食材醬料都有落d心機。評下d食物：熟成韓國五花肉 - 半肥瘦，有腩肉味，彈牙，配大醬同生菜蒜片，或者沾洋蔥豉油都正。大蝦 - 大隻、厚肉，一擺喺爐就聞到好香蝦羔味，沾柚子豉油正。熟成美國肉眼 - 特別在，燒好後放喺喜馬拉雅山玫瑰鹽上面，抖30秒，塊肉吸收左咸味，唔洗再沾其他醬都好香烤味，有肉汁。中和返個燒烤，都有食冷麵、蜂蜜雪糕、青瓜青檸、西柚乳酸，當中蜂蜜雪糕好香奶味，睇得見嘅蜂膠蜜糖，比較特別。餐廳服務有水準。尤其是其中一個女侍應，真係好勤力，唔停手咁落力幫我地燒烤、剪肉、分餸，值得一讚。