亀井鮨 (Closed)

亀井鮨 - 有水準日本餐廳今日介紹一間位於銅鑼灣嘅日本餐廳，係世貿中心裝修之後新開業嘅店舖，環境舒適，設計充滿日本居酒屋嘅風格。餐廳嘅食材非常多元化，會採用唔同地方空運到香港嘅食材，亦都會採用本地嘅海鮮，加入本地嘅元素，非常有國際化嘅色彩。極上壽司盛合 $350有12貫唔同種類嘅壽司，有大鮪魚腩、油甘魚、深海池魚、鯛魚、左口魚邊、牡丹蝦、帆立貝、三文魚籽、日本海膽、穴子、玉子、鮪魚蓉卷，當中最鍾意嘅梗係鮮甜嘅日本海膽同埋入口即溶嘅拖羅啦！牛油果軟殼蟹卷 $95分量超多嘅脆炸軟殼蟹配上忌廉口感嘅牛油果卷。三文魚 $15三文魚腩 $24炙燒三文魚腩 $26雜錦天婦羅 $128炸得香脆，熱辣辣，薄薄炸粉嘅天婦羅。滑蛋豬扒丼 $128厚切豬扒，配上洋蔥蘑菇滑蛋，再倒上甜甜嘅醬汁。