Video
Read full review
2010-02-07
18 views
從事飲食行業朋友的推薦，終於抽到時間去試下！與其説是試，其實是想比較下兩個月前在東京同一家店食過的難忘經驗，在香港這家分店能做到幾成？ 先講裝修、簡約主義不變、和東京那家９成相似、這邊光猛些、座位好像也是３拾個左右、兩邊都係唔入去都估唔到原來係食拉麵果隻、有趣！起碼無遷就本地市場而千篇一律地公式化、有堅持、至此印象分無失！ 今晩起pair嘅客連埋我地得３枱，不過我地就一pairＱ、其他都一大班人、６個呀、８個咁。係日本食親嘅拉麵店見慣唔係単拖就三三両両、成班朋友慢慢嘆就真係少見，呢到個個斯斯文文、唔會咁嘈，下次有FUNCTION嚟呢到都唔錯。八卦完一輪我碗麵登場，梗係索吓Ｄ味先啦、指定動作嘛！食慣拉麵嘅、碗麵正唔正、呢一刻就定勝負架啦！Ｄ湯有無味精一“索”了然，我個碗係鹽味，選呢個味係想試真D佢哋嘅湯、飲兩啖、嘩！！好掂！湯底係拉麵嘅靈魂、好緊要，喺日本週圍去食，有時食到Ｄ有水準嘅拉麵店，遇上嘅就係呢種味道、唔鞋口、唔係靠味精谷起D味、係有layer嘅、會留香。好！麵要快D食！好滑無鹼水味、食到D小麥味、同D湯好夾、我加左半熟蛋同叉燒、食叉燒先、又要嘩！點解？因為好軟熟、入口即溶果隻、
先講裝修、簡約主義不變、和東京那家９成相似、這邊光猛些、座位好像也是３拾個左右、兩邊都係唔入去都估唔到原來係食拉麵果隻、有趣！起碼無遷就本地市場而千篇一律地公式化、有堅持、至此印象分無失！
今晩起pair嘅客連埋我地得３枱，不過我地就一pairＱ、其他都一大班人、６個呀、８個咁。係日本食親嘅拉麵店見慣唔係単拖就三三両両、成班朋友慢慢嘆就真係少見，呢到個個斯斯文文、唔會咁嘈，下次有FUNCTION嚟呢到都唔錯。
八卦完一輪我碗麵登場，梗係索吓Ｄ味先啦、指定動作嘛！食慣拉麵嘅、碗麵正唔正、呢一刻就定勝負架啦！Ｄ湯有無味精一“索”了然，我個碗係鹽味，選呢個味係想試真D佢哋嘅湯、飲兩啖、嘩！！好掂！湯底係拉麵嘅靈魂、好緊要，喺日本週圍去食，有時食到Ｄ有水準嘅拉麵店，遇上嘅就係呢種味道、唔鞋口、唔係靠味精谷起D味、係有layer嘅、會留香。好！麵要快D食！好滑無鹼水味、食到D小麥味、同D湯好夾、我加左半熟蛋同叉燒、食叉燒先、又要嘩！點解？因為好軟熟、入口即溶果隻、脂肪部份唔oily，瘦肉部份唔鞋唔韌，無猪嘅蘇味、好彩叫多兩塊、唔係就半天吊。
隻蛋又點？我用精彩來形容，蛋白香滑蛋黄好creamy、recall返我係表参道hills個間第一次食時果D震驚感、佢係隻半熟蛋、但我好放心食、知佢由日本運嚟嘛；呢碗麵有東京８、９成、唔駛搭飛機去都食到呢個質素、直情要感恩啦！我個friend都係食緊隻蛋、一齊含住半邊蛋猛話；好正呀～好正呀～！
不過佢話D麵好似霖過平時食個D、無咩趙頭、梗係啦～依家先嚟食D麵，頭先碗麵嚟咗、仲口水多個茶猛咁講過年無得去旅行，又掛住講電話食吓又停吓，
一般加硬個D即食拉麵都霖啦，何況佢哋嘅麵擺明唔係要鬥彈牙、講求順滑流暢中帶自然咬口，自己唔拖慢嚟食咪食到原本應有嘅食味同口感囉，佢話今次當交學費、下次一定食得精過我。咁梗係叫佢奸爸嗲啦。
Post
