南越南咖啡廳

Open Now

Now Closed

平時食越南菜黎黎去去都係檬粉、春卷果啲，但呢間餐廳既越南菜比較有特色，裝修都同傳統嘅越南菜好唔同。《五香豬腩伴鍋巴》$52全餐最鐘意呢道菜。中間有舊肥豬肉配蛋黃醬，下面有塊脆口既鍋巴，面頭有少少酸菜同辣椒絲，口感層次豐富。《南越蟹肉醬配脆球餅》$68脆球餅一般都係印度或尼泊爾見得多，估唔到係呢間餐廳見到，個蟹肉醬既蟹肉味好突出，不入去個脆球餅，好玩又好食！《斑蘭龍眼茶（冷）》$22龍眼味清甜，斑蘭味比較含蓄，但都非常解渴。《南越蛋咖啡》$28最上面果層係焦糖，中層個層係蛋醬，蛋香濃郁，口感似奶蓋，有少少偏甜，咖啡味好strong，夜晚飲完有啲瞓唔着😂《招牌金邊粉》$88叫左小辣，比想像中辣，但個湯底牛肉依然好濃烈。油條放左好耐都好脆，浸落個湯度吸晒湯汁精華，食落口好正。牛肉片就用左牛板腱，有條筋喺中間，口感冇咁好但牛味濃郁。《烤蔞葉春雞配青蘋果條》$78春雞烤到個皮好脆，有少少香茅味，青蘋果條清新開胃。超中意個醬！好重椰香味，再略帶有少少斑蘭味，同烤雞好夾。