Carlo Riva (Closed)

辦公室係附近，見呢間餐廳開左幾個月。咁岩今日有朋友黎食午餐，見環境唔錯，入去試下。的確第一眼睇倒菜單覺得價錢貴，西餐廳又無意粉之類既選擇。經理友好主動打招呼介紹，三個人都試左佢既羊架。識食既朋友睇倒佢ＳＥＭＩ—ＢＵＦＦＥＴ既前菜，就知道佢用既食材不錯。推介青口。加上甜品，問過經理，有一半都係佢地自己有師傅做，有誠意。主菜食材用澳洲黎既羊架，四條骨，真係落足本。最後杯咖啡係可以的。每個人食飯都有自己既ＰＲＥＦＥＲＥＮＣＥ，無得批評其他人對與錯。而每間餐廳亦有自己既定位。我係想搵間坐得舒服，食物可以，食完唔會急住比人趕既餐廳。環境：比起附近八成食肆都要好。食品：超出預期，做餐飲係講誠意，你睇佢既食材成本都唔係低，如果你識欣賞，你會鐘意。價格：人均２６０左右，一分錢一分貨既前提下，值得。真係唔好用５—６０蚊既茶餐廳作比較，唔公平。埋單仲送張１００蚊ＣＯＵＰＯＮ，２人黎食就可以用。即係下次人均２００左右。會再黎。注：睇倒其他人既食評，其中個漢堡我個人都覺得可怕。好彩入去經理介紹，三個人諗都唔諗就揀左羊扒。