Parallel

Open Now

Now Closed

今日嚟咗呢度試新嘢。店舖面積唔算好大，但係都坐得舒服，見到佢哋嘅Menu，睇得出佢哋都好有誠意製作美食。講真如果唔係有折，呢個價錢都唔算好抵。不過食物質素都算係值既。甘筍湯，好濃郁，好味沙律吧嘅選擇都唔少，亦都新鮮！不過其實佢個位置唔算好大，所以人多嘅時候，就等人攞完先至出去比較理想。就咁睇都覺得其實佢哋裝修都有心思～老闆揀咗食澳洲M4牛牛，就咁睇樣都好似幾好味，佢都話唔錯。我就食咗羊架，幾欣賞佢其中一件係有麵包糠炸一炸，口感不俗！ 不過呢兩件羊架都挺多肥膏～唔係好多肉食！佢嘅配菜係「粟米蓉」？ 感覺都幾特別嘅，不過我prefer傳統嘅薯蓉多啲。 咖啡就冇乜特別，如果配返熱嘅奶感覺會更好良好！總體來講都滿意，店員亦都幾有禮貌！呢個價錢來講都算合理，同埋食物都高質有誠意。加油加油。