Video
Read full review
2023-11-27
2059 views
寶彩軒係夜晚會提供素食私房菜，7點開始上菜。餐廳經理好着重同客人之間嘅互動。我哋一入去，佢先問我哋係咪第一次黎，如果係就要上堂 (其實就係聽佢介紹餐廳同用餐程序)。每一道菜上嘅時候，佢都會講解菜式嘅用料同特別之處。經理亦好識得搞氣氛，當晚另一枱有人生日，佢唱中、英文版嘅生日歌，仲投入到一邊唱歌一邊跳舞。當晚經理送咗紅石榴汁比我哋每位客人，紅石榴汁酸酸哋，似飲蘋果醋，可以消下滯。店員幾細心，係食荷葉包前會先比濕紙巾我哋抹手，食完會收走抹過嘅濕紙巾。食到尾聲，店員會主動派發外賣盒比我哋拎走食剩嘅食物。11月私房菜菜單 ($398/ 位)寶彩歡喜拼盤御品養心松茸燉湯三絲腐皮卷招牌即燒厚切叉燒 (配荷葉包)上湯有機BB菠菜苗沙律芒果卷鮮茄香煎菇扒健康薏仁麵冰糖桃膠寶彩歡喜拼盤款式嘅數量係按人數而定，我哋一行5人就比咗8款菜式我哋，包括炸鱔、麻醬秋葵、炸紅菜頭、咕嚕猴頭菇、話梅車厘茄、百葉豆腐、香橙雲耳同欖菜四季豆。松茸燉湯矜貴之處在於野生松茸片，其餘材料有猴頭菇、冬菇、栗子同腰果。湯好夠熱，有濃郁菇菌嘅香味，湯底夠清。三絲腐皮卷嘅餡料主要為爽脆嘅食材，包括甘筍、木耳同酸蘿蔔。BB菠菜苗嘅表面放
餐廳經理好着重同客人之間嘅互動。我哋一入去，佢先問我哋係咪第一次黎，如果係就要上堂 (其實就係聽佢介紹餐廳同用餐程序)。每一道菜上嘅時候，佢都會講解菜式嘅用料同特別之處。經理亦好識得搞氣氛，當晚另一枱有人生日，佢唱中、英文版嘅生日歌，仲投入到一邊唱歌一邊跳舞。
當晚經理送咗紅石榴汁比我哋每位客人，紅石榴汁酸酸哋，似飲蘋果醋，可以消下滯。
店員幾細心，係食荷葉包前會先比濕紙巾我哋抹手，食完會收走抹過嘅濕紙巾。食到尾聲，店員會主動派發外賣盒比我哋拎走食剩嘅食物。
11月私房菜菜單 ($398/ 位)
寶彩歡喜拼盤
御品養心松茸燉湯
三絲腐皮卷
招牌即燒厚切叉燒 (配荷葉包)
上湯有機BB菠菜苗
沙律芒果卷
鮮茄香煎菇扒
健康薏仁麵
冰糖桃膠
寶彩歡喜拼盤款式嘅數量係按人數而定，我哋一行5人就比咗8款菜式我哋，包括炸鱔、麻醬秋葵、炸紅菜頭、咕嚕猴頭菇、話梅車厘茄、百葉豆腐、香橙雲耳同欖菜四季豆。
寶彩歡喜拼盤
60 views
0 likes
0 comments
松茸燉湯矜貴之處在於野生松茸片，其餘材料有猴頭菇、冬菇、栗子同腰果。湯好夠熱，有濃郁菇菌嘅香味，湯底夠清。
三絲腐皮卷嘅餡料主要為爽脆嘅食材，包括甘筍、木耳同酸蘿蔔。
BB菠菜苗嘅表面放上炸牛蒡絲，菠菜苗嘅味道比較淡，配上枱面嘅豆豉辣椒油一齊食，會更好食。
沙律芒果卷係我最愛嘅菜式之一，脆漿包住蘆筍、芒果、甘筍同雞髀菇，連埋旁邊嘅蘋果片一齊食。就算係炸物都唔會好膩。
沙律芒果卷
37 views
0 likes
0 comments
番茄同雞髀菇中間放有蝴蝶粉，賣相幾靚，整體味道酸甜。
健康薏仁麵其實就係炒公仔麵，配料有木耳、甘筍、銀芽、芝麻等。經理話呢道菜要撈起先好食。
Post
