越男仔 (Moved) New Location

老婆鐘意食越南粉，但香港難食到又正宗又貼地既店舖。經過廣華街，見到一個裝修似食日式拉麵(吧枱位)既越南菜館，傳統粉麵加小食，價錢略為貴了少少，但都試一試喇。我就點了火車頭河，賣相同份量都滿意，生熟牛肉，牛筋，牛栢葉，牛丸(非一般)再加一隻生雞蛋。以上材料質素甚高，湯底清甜冇味精。老婆點了茄湯豬扒扎肉湯河，湯底濃，超正👍，豬扒鬆輕香口。每人加了各一款小食，分別是春卷和蝦餅。春卷應該係用米紙卷成再炸，所以比硬身，蝦餅ok。另一推介係薑蜜，凍熱都有，雖然要加成25蚊一杯，但呢杯係店舖用心煲出來既飲品，所以都覺得值既。