點心到 (廟街)

Open Now

Now Closed

最後衝刺去剪頭髮，同為c出口既呢間點心店係髮型師推薦，估唔到又幾抵食！舖頭位於廟街，附近好多餐廳好易搵餐廳裝修都好骨子點心種類都好多，仲有一d係皇牌點心我地叫左6樣野，2個人食都好夠飽，埋單唔使$150，抵食！ 點心大概十分鐘就上台啦！都算好快先後糯米雞，一個大概有手掌心✋🏼咁大，好香荷葉味，入面既餡都好足料，有肉碎、雞件、冬菇、叉燒等，味道有別於其他餐廳，因為佢唔係好咸，淡淡既蠔油味。朋友好鍾意食蝦餃，我地叫左4件裝$30，蝦餃中型size, 入面包住三隻蝦，皮薄煙un, 蝦又爽口彈牙！同埋佢唔會夾住好多豬肉，岩晒鮮蝦fans. 再來係黑金流沙包，欣賞佢既內餡唔會過份地爆出黎，唔會食到好狼狽。奶黃漿都係咸咸甜甜咁，三兩下食晒三個。呢個註明係原粒鮮蝦既燒賣都好足料好有份量。食得出佢入面既肥豬肉唔多，好實在，而且無乜味精加料，清新。牛肉球都好彈牙，而入面既芫茜係超級新鮮，食落去係爽口既。最後既係混醬腸粉，店員好貼心咁將豉油另上，唔會搞到水浸腸粉。腸粉係好軟林林，但又好有彈性，師傅好功夫。 配上甜醬麻醬，真係一流。喜歡點心既你，一定要試下呢間，價錢同質素都好高啊。