六如

Open Now

Now Closed

前幾日同朋友齊齊去左中環食飯，揀左呢度原因前身喺非常有人氣嘅「三小漁」~ 整晚食物除左擺得好靚，連味道都幾唔錯~⭐️先點了兩個湯。杏汁豬肺湯，杏汁味濃又清甜，豬肺又滑又彈牙，湯底清爽。烏雞湯就藥材味突出，材料夠多夠晒滋補🥢叫左個海鮮蟶子皇兩種蒸法。用黑蒜粉絲去蒸，黑蒜香味同蟶子皇都幾夾，有提鮮嘅感覺。而用青麻剁椒蒸，粉絲吸收剁椒嘅辛辣，入口比較辣，但估唔到鮮味刺激每個味蕾再點咗個青麻椒醬煎牛仔骨配燒菠蘿。牛仔骨算幾軟熟，青麻椒醬獨突香氣混埋牛肉味道幾好食，而旁邊嘅燒菠蘿嘅清甜味道就帶平衡肉類嘅油膩感。仲有六如潮香滷水鵝。滷水夠入味，肉質有彈性，味道OK主打最鍾意就係香茅烤椒煎焗生蠔。生蠔大隻夠鮮美，上枱時見到個煲咋咋聲~ 香茅香氣即時提升咗整道菜風味，好值得食前菜叫左煙燻糖心蛋。煙燻味同蛋黃味都夠~ 口感柔滑~ 而比較特別嘅係黑磚豆腐。豆腐真係外脆內嫩，令人有驚喜。仲有，手拍芥末青瓜。芥末味都幾突出！青瓜酸酸地夠晒入味，十分開胃最後，甜品叫左個士多啤梨芝士軟糕。呢個都係必點之選！超級好味，士多啤梨唔太酸，芝士味夠晒濃郁，入口軟滑~