龍亭

呢日嚟到位於中環主打食鐵板燒嘅餐廳，入面佈局精緻，環境舒適，啱晒一邊食鐵板燒，一邊傾下偈，飲番杯。餐廳有多款鐵板燒套餐選擇，價錢由$588至$1388不等，我哋兩個人分別點咗$588及$788套餐各一。餐廳有多款酒精飲品及汽水選擇，今次點咗支醉樂無極大吟釀（$180），入口帶淡淡旨味，好順滑，感覺好清新。兩個餐嘅前菜都包三文魚沙律一份，另一款更提供蘭王溫泉蛋配以海膽，蛋嘅香味配埋海膽嘅鮮味，非常配合。呢晚嘅海鮮包括帶子及鮑魚，食材新鮮美味。餐廳亦提供一款配以鹽製成嘅蝶豆花泡沫，用來搭配海鮮食，令海鮮嘅味道更突出。肉類方面有牛肉，雞肉和豬肉可供選擇，我們點咗牛肉作為主菜，和牛牛味濃郁，入口嫩滑可口。上菜時配以炸香蒜、竹炭鹽及Wasabi，提升牛肉鮮味。另外，餐廳好細心咁整咗個蘑菇造型嘅櫻桃蘿蔔，解下食完肉嘅油脂感。黑松露炒飯是另一個亮點，炒飯好香口，入口細膩。材料亦非常豐富，加上黑松露和蝦，好有驚喜嘅一個炒飯。麵豉湯用上豬骨湯底，冇一般嘅麵豉湯咁鹹，味道唔錯。甜品方面提供柚子雪芭，有助減低食完鐵板燒嘅油膩感。入邊仲放咗啲爆珠紅豆，食落有啲似紅豆沙嘅感覺。