Video
Read full review
2022-08-06
202 views
RUSTICO D2-place One地下有間好有feel嘅西班牙餐廳🤤疫情下都好想去旅行，但一來一回隔你7日檢疫，搞到只能得個等字。但咁岩有個buddy物色到間好有feel嘅餐廳，可以嘗試令自己有幾個鐘置身於當地咁。🏆🏆🏆🏆 🏆初榨橄欖油浸香蒜海蝦脆多士淨係賣相已經非常吸引，海蝦完全入哂香蒜嘅味道，佢中間部位已除殼，超方便我哋呢D鍾意食蝦，但唔想meet殼嘅人🤤個脆多士掂落個汁到超好食😳多士配少少醬汁再放埋舊蝦上去，一啖放落口，簡直滿足😍🏆🏆🏆🏆🏆傳統烤焗多士西班牙小蕃茄香蒜及初榨橄欖油初時以為一塊多士...加幾粒蕃茄同蒜，無咩太大期望。咁職員都好好，佢地知我哋無試過呢道菜，都示範一次做法比我地，見到佢將香蒜同小蕃茄搽落多士時，兩種材料混出嘅味道好香，最後加埋橄欖油，就食得！第一啖係食到嘅香濃同有少少辣嘅香蒜味，但因為佢有蕃茄係到，你會想追多啖，唔會好似平時出面食香蒜包咁，一兩啖就覺得膩口，正正因為加咗蕃茄味，感覺係中和番個香蒜，最後加埋橄欖油令到你個口腔有陣回香，但唔會話食完口臭😎「最後呢個我地再追加多咗一份🫢」🏆🏆🏆 🏆西班牙會牛肚配鷹嘴豆辣肉腸醬汁平時食牛肚最怕就係咬唔爛同會
D2-place One地下有間好有feel嘅西班牙餐廳🤤疫情下都好想去旅行，但一來一回隔你7日檢疫，搞到只能得個等字。但咁岩有個buddy物色到間好有feel嘅餐廳，可以嘗試令自己有幾個鐘置身於當地咁。
🏆🏆🏆🏆 🏆初榨橄欖油浸香蒜海蝦脆多士
淨係賣相已經非常吸引，海蝦完全入哂香蒜嘅味道，佢中間部位已除殼，超方便我哋呢D鍾意食蝦，但唔想meet殼嘅人🤤個脆多士掂落個汁到超好食😳多士配少少醬汁再放埋舊蝦上去，一啖放落口，簡直滿足😍
🏆🏆🏆🏆🏆傳統烤焗多士西班牙小蕃茄香蒜及初榨橄欖油
初時以為一塊多士...加幾粒蕃茄同蒜，無咩太大期望。咁職員都好好，佢地知我哋無試過呢道菜，都示範一次做法比我地，見到佢將香蒜同小蕃茄搽落多士時，兩種材料混出嘅味道好香，最後加埋橄欖油，就食得！第一啖係食到嘅香濃同有少少辣嘅香蒜味，但因為佢有蕃茄係到，你會想追多啖，唔會好似平時出面食香蒜包咁，一兩啖就覺得膩口，正正因為加咗蕃茄味，感覺係中和番個香蒜，最後加埋橄欖油令到你個口腔有陣回香，但唔會話食完口臭😎「最後呢個我地再追加多咗一份🫢」
🏆🏆🏆 🏆西班牙會牛肚配鷹嘴豆辣肉腸醬汁
平時食牛肚最怕就係咬唔爛同會有陣内臟味，但呢個牛肚佢個軟硬腍到係超級好！佢好腍，唔怕咬唔開，加上佢好入味，完全無内臟味道，當你食牛肚連埋鷹嘴豆一齊食係好絕配🥰我好鍾意佢個醬汁，酸酸辣辣！
🏆🏆🏆🏆脆香魚鱈魚球配蜜糖泡沫
呢個我覺得幾特別，佢蜜糖係甜得嚟，但唔會搶走鱈魚嘅味道。外皮炸到金黃色，但入面鱈魚再夾埋薯蓉，令個口感好creamy。一d都唔乾身。
🏆🏆🏆🏆慢煮西班牙乳豬配香蒜焗薯
乳豬！！！！呢個好好味☺️☺️佢個皮係好脆口得嚟，又好入味，加上佢啖啖肉！！！再配佢嘅燒烤醬！呢個係絕配🫢我好鍾意佢呢隻乳豬嘅口感，又係好腍身，入面少少肥肉再加軟腍嘅肉，呢個係值得一試🥰
🏆🏆🏆🏆🏆招牌西班牙黑毛豬海鮮炒飯
佢嘅黑毛豬一早就混咗入飯入面，豬油同飯係二合為一，超香！加上，佢混合咗一齊，你絕對做到一啖飯連肉嘅口感，好滿足「絕對岩哂我呢d食肉要配飯嘅人🤤」海鮮係足料大大份，基本上每樣海鮮嘅鮮味都好出，唔會被其他香料蓋過！
🏆🏆🏆🏆傳統西班牙churros炸脆條伴雲呢嗱雪糕及朱古力慕絲
甜品我地叫咗呢個churros配雪糕慕絲🙆🏻♂️我想講...佢個雲呢嗱雪糕放咗係慕絲嘅底部，職員建議我地要插到最底，因為咁先可以連埋雪糕一齊食！！呢個口感又係好新鮮！本身churros一定係即炸，因為勁辣手！！加上就咁食都好好味，我地再試下掂埋慕絲同雪糕，個味道再昇華！我強烈建議甜品可以試呢個🙆🏻♂️🙆🏻♂️
🏆🏆🏆🏆🏆特色西班牙炸蛋伴香脆薯絲及辣肉腸
薯條我就不嬲中意食粗嗰款，因為比較有口感多啲，所以當時見到就算個賣相幾靚，但都無話抱住好大期望。點知！完全喜岀望外！佢趁個蛋未熟哂，將啲蛋汁、薯絲同啲辣肉腸撈埋一齊，豐富咗成個味道同口感。除咗有好香嘅薯香，辣肉腸個咸度更加將成件事昇華咗。不過如果有朋友仔唔食生蛋嘅，嗌呢道餸前就要諗諗🤧
🏆🏆🏆🏆 Sangria
本身都唔係話太識飲酒/鍾意飲酒，因為我覺得酒好苦好難入口，但因為呢杯酒佢加咗大量生果，中和咗酒嘅苦味，飲落去都好易入口，唔覺唔覺都飲咗幾杯，如果本身唔太好酒嘅朋友，我都認為值得一試🙆🏻♂️🙆🏻♂️
🥘荔枝角長義街9號D2 Place ONE 地下G-01舖
味道：4.5/5
環境 : 5/5
服務：5/5
衛生：5/5
價錢：4/5
Post