Video
Read full review
2023-05-31
95 views
BFF食過話好味😋今次又帶我去食，餐廳位於Times Square，屬於高級韓式居酒屋，用咗木系嘅裝修設計，環境柔和舒適，氛圍感大大提升，加上精緻嘅美食，令人好放鬆、享受😌我哋兩個人又係眼闊肚窄，叫咗5⃣️樣嘢食，當然又係食唔晒😮💨一坐低侍應哥哥會遞上兩樣前菜，係醬汁菇菌&醃製泡菜，雖然係前菜，但一啲都唔馬虎，味道都唔差-生蠔一見到已經好吸引，大大隻又夠飽滿，口感較爽口，唔會腥，帶海水味，好味😋絕對對得起個價錢！-辣雞腳 韓式辣汁夠惹味，辣度更有層次，正！另外雞腳已經去骨，食落更加方便，啱晒懶嘅我-韓牛飯 滿滿嘅韓牛鋪滿面，視覺效果見到都開心，牛肉肉質柔軟，入口仍有肉汁，加京蔥絲、蔥花、蒜蓉撈勻，香口得黎又有多重口感，呢個真係要推介😋餐廳用紫米感覺更加健康，而且份量夠晒大份，兩個人都食唔晒-海鮮煎餅 第一次見海鮮煎餅，係咁多海鮮嘅🥹有八爪魚、魷魚、蝦、銀魚仔，入口有超豐富口感，煎到又夠香脆，呢個下次會再encore-醬油海鮮拼盤 呢個醬油拼盤好豐富，有鮑魚、帶子，蝦同蟹，醬油味道鹹淡適中，帶少少辣味。鮑魚煙靭彈牙，帶子鮮甜，蝦同醬油味道好夾，重點醬油蟹鮮味多膏，將蟹膏混合紫米飯再配上冇油
我哋兩個人又係眼闊肚窄，叫咗5⃣️樣嘢食，當然又係食唔晒😮💨一坐低侍應哥哥會遞上兩樣前菜，係醬汁菇菌&醃製泡菜，雖然係前菜，但一啲都唔馬虎，味道都唔差
-生蠔
一見到已經好吸引，大大隻又夠飽滿，口感較爽口，唔會腥，帶海水味，好味😋絕對對得起個價錢！
-辣雞腳
韓式辣汁夠惹味，辣度更有層次，正！另外雞腳已經去骨，食落更加方便，啱晒懶嘅我
-韓牛飯
滿滿嘅韓牛鋪滿面，視覺效果見到都開心，牛肉肉質柔軟，入口仍有肉汁，加京蔥絲、蔥花、蒜蓉撈勻，香口得黎又有多重口感，呢個真係要推介😋餐廳用紫米感覺更加健康，而且份量夠晒大份，兩個人都食唔晒
-海鮮煎餅
第一次見海鮮煎餅，係咁多海鮮嘅🥹有八爪魚、魷魚、蝦、銀魚仔，入口有超豐富口感，煎到又夠香脆，呢個下次會再encore
-醬油海鮮拼盤
呢個醬油拼盤好豐富，有鮑魚、帶子，蝦同蟹，醬油味道鹹淡適中，帶少少辣味。鮑魚煙靭彈牙，帶子鮮甜，蝦同醬油味道好夾，重點醬油蟹鮮味多膏，將蟹膏混合紫米飯再配上冇油炸過嘅紫菜，入口有滿足嘅感覺！
GOHEUNG YUJA WINE
濃郁嘅柚子清香，酸酸地，酒精濃度唔高，幾啱女仔飲
整體都好滿意，我應該好快會食第二次
Post
