虎鐵鐵板燒

Open Now

Now Closed

虎鐵在銅鑼灣嘅澳門逸園中心，餐廳環境很有日式風格，有鐵板席位都有普通餐枱，如果在鐵板席位就可以望住師傅料理，氣氛都幾唔錯！如果想坐鐵板位就要提早預定啦！特選席前鐵板燒二人餐非常豐富，充滿儀式感！侍應會先準備玄米茶同意大利花茶，兩款茶都好味，口感清新淡稚。煙三文魚沙律: 賣相唔錯，煙三文魚夠大塊，入口細膩冇渣，配上新鮮沙律菜，口感層次豐富。蟹肉海膽松露溏心蛋: 非常有特色，蛋型杯中装咗蟹肉、海膽、黑松露，上面再鋪溏心蛋，撈混一齊食，鮮甜又好味。白舞茸蠔湯鍋:蠔咁煮勁鮮甜，咬落好有口感，而且同白舞茸好夾。刺身帶子豆腐鯛魚湯：刺身級大粒帶子，豆腐鯛魚湯鮮香微甜，豆腐嫩滑非常有質感。活龍蝦: 師傅表演燒龍蝦都幾有睇頭，可惜我哋離比較遠，龍蝦生猛，燒得表面焦香，肉質鮮甜彈牙。熊本A5和牛薄燒配香煎野菜:A5和牛高質，入口嫩滑，油脂極香，在卷起炸蒜同蔥，口感層次豐富。松葉蟹肉炒飯: 份量滿足，炒飯粒粒分明，充滿蛋香，用松葉蟹炒勁好味。甜品：蘋果雪芭，賣相一流，好適合打卡，雪芭冰冰涼涼而且口感綿密。