二十道

平日甚少黎北角，途經七姊妹道時，俾依間好洋食屋風格既餐廳吸引住。openrice左一下，見介紹寫住「二十道係一間新開張既日本居酒屋,餐廳由逾二十年經驗的廚師主理，並以五種味道、五種顏色、五種烹調方法及五種態度，成就「二十道」炮製菜式。拉麵及居酒屋料理均配上精緻的擺盤」雖然唔係好餓，但都忍唔住試試佢。海老味噌拉麵🍜有別於傳統日式拉麵，依到既拉麵真係有fusion 既感覺，擺盤精美，好適合打卡。湯底好濃郁，麵條軟硬適中，山芋魚肉真係第一次食，質地軟棉棉，好似棉花糖咁。蝦同生蠔🦪都大大隻，好新鮮。紅酒煮牛臉肉冷拉麵，牛臉肉係牛肉中最嫩滑既部位，加上用紅酒煮，令牛臉肉更軟，更鮮嫩多汁，有種入口即化既感覺。冷拉麵既汁酸酸地好開胃，炎炎夏日食真係一流。由於今日唔係好餓，所以只同先生一人嗌一個拉麵，下次再黎都想試更多唔同菜式。