牛大人台灣火鍋吃到飽 (荷李活商業中心)

Open Now

Now Closed

今日喺旺角收工同事即興約打邊爐就揀咗牛大人，自己一向都鍾意打邊爐不過牛大人就未試過。湯底選擇都唔少，揀好湯底後我地就揀咗最貴嘅澳洲極上和牛餐，呢家做梗 Promotion 揀極上和牛餐可以揀「夢王生雞蛋」或「醬油溏心夢王蛋」，而且仲有澳州和牛牛丸送。醬油溏心蛋超好食 🤤 醬油入味之餘又有蛋香味，果然係日本界雞蛋一哥。湯底揀咗紅燒牛骨鍋，見到湯底就知足料夠味，所以自己都無攞醬汁，M5 和牛牛肩卷同和牛牛丸超級正，前者牛味濃郁後者肉汁飽滿，而 M5 和牛牛肩卷仲可以任叫。餐廳有大量飲品提供，有啲係自家製，有啲係要用手機落單，依家如果去牛大人 IG 讚好仲有夢王布丁珍珠奶，原本要 $25 杯依家讚好就有杯免費。牛胸爽超級正，唔係好多地方有咁高質，入口油香滿溢，雖然好邪惡但真係好好味。期間限定夢王脆蛋係炸雜錦蔬菜，炸得脆口又唔油膩。最後食埋夢王雞蛋布丁同雪糕，非常滿足的晚餐。