Video
Read full review
2017-10-05
607 views
有晚經過呢間餐廳，門口有位叔叔彈結他唱歌，比佢吸引咗入去裝修以藍白色為主，充滿希臘風情。當日係假期，但晚飯時間個場都唔full，有啲冷清，本身驚會中伏，但既然坐低咗，即管試下！打開餐牌，覺得幾抵食，百幾二百蚊一個餐，有齊沙律、餐湯、主菜同飲品，甜品就好似要加$15左右。叫咗兩個餐，其中一個餐包兩隻生蠔。生蠔大大隻，但較偏身，唔係平時喺酒店食開嗰種漲身嘅即開生蠔，但當然咁樣比較係唔公平，因為兩者價錢爭咁遠。以呢個價錢黎講，生蠔都算唔錯喇，有淡淡海水味，蠔肉夠大，咬落口感豐富，不過有少少澀味。沙律細細碟，但都有兩塊大塊嘅巴馬火腿，香味唔算好濃，但都唔差嘅。最驚喜係個黑松露蘑菇湯!!!雖然冇黑松露味，但蘑菇味非常濃郁!!!好好飲!!!通常呢個價錢只會飲到罐頭湯/溝好多粉嘅劣質忌廉湯!至於主菜就不過不失，叫對得住個價錢啦！成餐飯最滿意就係個mushroom soup!加上呢到人較少，唔怕嘈，又有人彈結他唱歌，價錢咁平又食得好飽，下次再去西九，都會考慮返黎呢到！p.s. 呢到嘅侍應好似都係講英文為主，以呢種價位嘅餐廳黎講都幾少見。
打開餐牌，覺得幾抵食，百幾二百蚊一個餐，有齊沙律、餐湯、主菜同飲品，甜品就好似要加$15左右。
叫咗兩個餐，其中一個餐包兩隻生蠔。生蠔大大隻，但較偏身，唔係平時喺酒店食開嗰種漲身嘅即開生蠔，但當然咁樣比較係唔公平，因為兩者價錢爭咁遠。以呢個價錢黎講，生蠔都算唔錯喇，有淡淡海水味，蠔肉夠大，咬落口感豐富，不過有少少澀味。
沙律細細碟，但都有兩塊大塊嘅巴馬火腿，香味唔算好濃，但都唔差嘅。最驚喜係個黑松露蘑菇湯!!!雖然冇黑松露味，但蘑菇味非常濃郁!!!好好飲!!!通常呢個價錢只會飲到罐頭湯/溝好多粉嘅劣質忌廉湯!至於主菜就不過不失，叫對得住個價錢啦！
成餐飯最滿意就係個mushroom soup!加上呢到人較少，唔怕嘈，又有人彈結他唱歌，價錢咁平又食得好飽，下次再去西九，都會考慮返黎呢到！
p.s. 呢到嘅侍應好似都係講英文為主，以呢種價位嘅餐廳黎講都幾少見。
43 views
0 likes
0 comments
Post
