大山日本料理

Open Now

Now Closed

今晚朋友約黎旺角既大山日本料理。 好耐冇出旺角步行區呢頭食野，但朋友話呢間要去試。 黎到真係幾有日本居酒屋既感覺，最特別係一排既對街玻璃窗，睇到西洋菜街，幾靚。先叫左個火炙吞拿魚沙律。 冇諗到吞拿魚都幾厚身，而且沙律菜都好新鮮。朋友特別將wasabi 撈入沙律醬再撈沙律，令到成碟沙律都更野味。我地叫左幾款壽司： 活赤貝，油甘魚，火炙黑松露帶子，醬油七味燒左口魚邊。 壽司永遠都係即叫即做先有個種特別既溫度，食落係特別暖心。 而佢都整得似日式既，唔會太大或太細件夠新鮮，最正路。朋友唔食牛舌，我就叫一件。 佢既牛舌好爽口，稔身但唔會沉過梳打既感覺，控制得好好。仲有個牛肉豆腐鍋，都有好多料，亦冇壽喜燒咁甜。 果然係有驚喜既居酒屋，可以再同多啲朋友黎食。