YAMA (Under Renovation)

有一陣子無去帝都酒店，原來新開左呢間食半自助餐的yama。平日lunch 388 一位, 包自助前菜燒物甜品壽司天婦羅，種類都不少，壽司唔係多款但都好新鮮，每次都係得幾件，拎左師傅再整番補上。推薦魚蓉壽司，甜蝦壽司。天婦羅吉列豬魚都好好食又夠熱，燒物有牛舌雞串菇類，仲有幾款鹽同檸檬配搭。甜品大福都好食，唔會太甜，仲有兩款水果（蜜瓜好甜）主菜要左加錢的龍蝦，新鮮彈牙，係個日式醬多左d，搶左海鮮味。可惜太飽，試唔到冷烏冬同冷盤。整體而言，性價比都幾高，座位亦寬落，服務態度幾好。