八不·壽喜燒

Open Now

Now Closed

最近好想食壽喜燒，但係又冇時間去一轉日本，點知今日比我經過太子嘅時候，見到有一間日式小店，裝修好特別，真係好有日本嘅感覺，竟然又係主打壽喜燒喎，就梗係入去試吓啦！餐牌都幾多選擇，我地最後要左個人氣滿滿二人餐 ，都只係$630，我覺得都好抵食。餐包左365日全穀飼黑安格斯小排150g ，澳洲M9+全血和牛100g，野菜盤一份，生日本雞蛋兩隻同吉列千層豬一份，最後更加可以要埋飲品，我地就要左柚子果酒。柚子酒好易入口，中午飲都唔怕。野菜都好新鮮，仲要有好多唔同選擇，特別要講吓個豆腐超好食！千層吉列豬都好有驚喜，食落唔會覺得好肥膩。壽喜燒啲肉全部都好新鮮，而且好重牛尾，更加覺得好滑口，超級推介！