Video
Read full review
2024-02-29
75 views
好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗約朋友響荃灣食飯，大家都想食石燒牛扒，好快就會諗起荃灣廣場附近個名一個字嗰間，諗諗吓，嗰度可能因為太多人識又多人等，次次都要趕住食，職員態度又唔好，唔係好想去～ 上網再搵吓，見到呢間都係響附近，評價唔錯又未試過，決定去試吓。佢嘅石燒牛扒有7款，200g 開波，套餐 +$32 可以響罐裝汽水、湯、沙律、薯條、飯入面揀3款，都幾抵食！我同朋友每人一杯飲品，湯、沙律、薯條、飯各一，就可以試晒啦～ 🍴橫隔膜腹肉（$198/200g）上菜係一大條牛扒，比較厚身，外面已經燒過，自己切開再響熱石上面輕輕再燒兩邊就食得，我自己比較鍾意食原始味道，就算有3款醬汁我都冇用，只係落岩鹽已經夠。肉有好靚嘅油花紋，咬落去好鬆軟有少少咬口，肉味非常香濃，帶有少少油花甘香味，掂！🍴極上牛小排（$228/200g)上菜都係已經燒咗表面，已切件，相對橫隔膜腹肉薄少少，中間有一條較粗嘅油花，呢款燒嘅時間再可以縮短，嫩滑多汁，牛味香濃，好味！雖然唔夠橫隔膜腹肉嘅味道咁濃，但係如果對於想食牛味香又不至於太濃嘅人嚟講，呢款係好選擇～🍴香煎鵝肝配迷你多士（$88）鵝肝有兩大片
回頭指數 ⭐️⭐️⭐️⭐️
開心指數🤗🤗🤗🤗🤗
約朋友響荃灣食飯，大家都想食石燒牛扒，好快就會諗起荃灣廣場附近個名一個字嗰間，諗諗吓，嗰度可能因為太多人識又多人等，次次都要趕住食，職員態度又唔好，唔係好想去～ 上網再搵吓，見到呢間都係響附近，評價唔錯又未試過，決定去試吓。
佢嘅石燒牛扒有7款，200g 開波，套餐 +$32 可以響罐裝汽水、湯、沙律、薯條、飯入面揀3款，都幾抵食！我同朋友每人一杯飲品，湯、沙律、薯條、飯各一，就可以試晒啦～
🍴橫隔膜腹肉（$198/200g）
上菜係一大條牛扒，比較厚身，外面已經燒過，自己切開再響熱石上面輕輕再燒兩邊就食得，我自己比較鍾意食原始味道，就算有3款醬汁我都冇用，只係落岩鹽已經夠。肉有好靚嘅油花紋，咬落去好鬆軟有少少咬口，肉味非常香濃，帶有少少油花甘香味，掂！
橫隔膜腹肉
$198
6 views
0 likes
0 comments
🍴極上牛小排（$228/200g)
上菜都係已經燒咗表面，已切件，相對橫隔膜腹肉薄少少，中間有一條較粗嘅油花，呢款燒嘅時間再可以縮短，嫩滑多汁，牛味香濃，好味！雖然唔夠橫隔膜腹肉嘅味道咁濃，但係如果對於想食牛味香又不至於太濃嘅人嚟講，呢款係好選擇～
極上牛小排
$228
11 views
0 likes
0 comments
🍴香煎鵝肝配迷你多士（$88）
鵝肝有兩大片，煎到外脆內軟，個醬汁好好味，配埋脆多士，正！
香煎鵝肝配迷你多士
$88
4 views
0 likes
0 comments
🍴明太子雞翼2隻（$38）
雞翼每隻分咗兩件，食得好方便，雞翼炸到好香口，明太子一D 都唔留手，好味～
明太子雞翼2隻
$38
3 views
0 likes
0 comments
🍴湯（跟餐）
打開蓋後有少少驚喜，開頭以為係好 hea嘅湯，點知佢個樣好濃咁，入面有一粒牛肉同埋三色椒番茄薯仔洋蔥，一飲落去，嘩！係勁濃郁嘅羅宋湯，帶少少辣味，勁有驚喜咁好飲！
🍴薯條（跟餐）
粗薯條內脆內軟，正！
🍴升級大碗紫菜飯配日本溫泉蛋（跟餐+$12）
一下篤落去溫泉蛋，爆蛋漿好開心，紫菜飯好大碗，夠晒兩個人 share！
🍴沙律（跟餐）🍴水蜜桃梳打（跟餐 +$15）🍴菠蘿梳打（跟餐 +$15）
正常發揮
整體上食物質素非常好，亦都感受到服務非常有heart！未夠夜晚七點已經差唔多坐滿晒，係一間會想再嚟食嘅小店！
Post
