Feather & Bone (利園二期)

Open Now

Now Closed

因一隻大牛擺門口，一定食扒，大嚿肉，所以好少機會選擇佢，今次因下雨天，找間近地鐵， 今次終於來食佢。 紅色梳化，感覺係美國 style，夠寬敞。 Happy hour 有炸魚仔小食$68， 叫杯啤酒送，有零酒精鬼佬啤酒，花香，魚仔脆卜卜有肉食，正。 雞肉凱撒沙律$178， 羅馬生菜 ， 長條身型，索索聲新鮮甜， 麵包糠脆，煙肉香，正常品質，多咗雞蛋， 蛋味欠小小，夠大碟。 燒粟米$78，ricotta芝士，有椰汁香， 粟米夠甜但燒得唔夠蕉香，個汁好好味。 焗芝士薯仔丸子配大啡菇$168， 我以為係芝士 焗薯仔， 原來薯仔用麵粉搓成一粒丸子，煙煙韌韌，芝士味濃，撈埋啲咖啡菇同埋溶咗洋蔥，好香但好飽。 亦Order Heaps，0酒精啤酒，又不同花香。 又係飲到頂住個肚。