一鳴屋台料理

Open Now

Now Closed

今晚同朋友嚟到上水呢間勁有feel嘅日式屋台料理食晚餐，環境舒服，適合三五知己聚會，食物款式多之餘，樣樣都幾唔錯，食到好滿足，要記錄一下。🇯🇵Orion 5% (日本沖繩)🍻咁開心梗係要啤啤佢，先點咗呢杯大大杯嘅沖繩啤酒。唐揚北海道池魚仔🐟跟住當然要點埋呢個池魚仔送酒，真係好香好好食。燒芝士年糕🧀芝士年糕燒得好香，口感好得意，煙煙韌韌，咬開裏面係滿滿嘅流心芝士，邪惡的美味。免治雞肉棒🐥每次去到日式燒物店必點嘅菜式。好鍾意呢種獨特嘅口感同味道，配上醬汁同香蔥，真係冇得頂。鰻魚玉子燒玉子好嫩滑，鰻魚又好肥美，成個口感好滑溜，配上呢個甜甜地嘅鰻魚汁，係幸福嘅味道呀