Video
Read full review
2013-12-19
1378 views
好老實咁講, 如果食晚飯趕時間填飽個肚同只求大件夾抵食, 我唔提議係呢間餐廳用餐....因為一定極度不滿.本身我唔係咁鐘意出街用膳嘅人, 但我間唔中會去呢度食晚餐, 因為我好鐘意呢間餐廳好有性格嘅廚師, 好堅持自己嘅風格. 每次入到去, 都好似冇人理你咁, 自己搵位坐低, 四周圍睇下用黑板寫嘅菜牌....(因為真係唔多人) 老闆兼大廚有時間出到嚟就會問下你想食咩, 你冇頭緒就會話你知今日推介, 當然會加多句出菜會好慢, 要有心理準備...等. 係呢度食好味嘅嘢, 就係要"等"! 所以我每次要同朋友傾下計, 講下心事, 都會嚟呢度食晚餐, 因為係度用餐係會忘記時間, 忘記緊湊嘅生活節奏.老闆唔俾影相, 我可以理解, 好食嘅嘢係用味覺同嗅覺去享受, 就算影到天仙咁靚, 但難食到死就係與事實不符囉! 更何況用手機影D食物遺照, 靚得去邊呢....(我的攝影老師話嘅!)是日同朋友點咗個好平嘅set dinner, 先來餐湯, 我地冇問過餐湯係咩, 當入口就有好濃烈嘅菌類香味, 好滑....我好快飲完, 大廚出嚟問下意見, 我就二話不說地問有冇得添飲, 大廚就笑笑口咁返入廚房嘞. 在等主菜其間,
本身我唔係咁鐘意出街用膳嘅人, 但我間唔中會去呢度食晚餐, 因為我好鐘意呢間餐廳好有性格嘅廚師, 好堅持自己嘅風格. 每次入到去, 都好似冇人理你咁, 自己搵位坐低, 四周圍睇下用黑板寫嘅菜牌....(因為真係唔多人) 老闆兼大廚有時間出到嚟就會問下你想食咩, 你冇頭緒就會話你知今日推介, 當然會加多句出菜會好慢, 要有心理準備...等. 係呢度食好味嘅嘢, 就係要"等"! 所以我每次要同朋友傾下計, 講下心事, 都會嚟呢度食晚餐, 因為係度用餐係會忘記時間, 忘記緊湊嘅生活節奏.
老闆唔俾影相, 我可以理解, 好食嘅嘢係用味覺同嗅覺去享受, 就算影到天仙咁靚, 但難食到死就係與事實不符囉! 更何況用手機影D食物遺照, 靚得去邊呢....(我的攝影老師話嘅!)
是日同朋友點咗個好平嘅set dinner, 先來餐湯, 我地冇問過餐湯係咩, 當入口就有好濃烈嘅菌類香味, 好滑....我好快飲完, 大廚出嚟問下意見, 我就二話不說地問有冇得添飲, 大廚就笑笑口咁返入廚房嘞. 在等主菜其間, 見到隔鄰枱個前菜沙律好靚, 問下大廚係咩嚟...唔問尤自可, 一問就出事...我最愛嘅水牛芝士配蕃茄, 心郁郁諗緊, 大廚又推介凱撒沙律配巴拿馬火腿, 我朋友好鐘意食巴拿馬火腿的....我同朋友交戰咗一輪後, 我贏咗, 叫咗水牛芝士配蕃茄沙律....好食! 配埋意大利黑醋好正!
當主菜上枱, 我有少少悔恨冇買紅酒過嚟! 我份碳燒紐西蘭西冷真係好食, 好食到連朋友食咩嘢我都唔記得咗! 但朋友都不停咁讚佢份主菜好食, 我地差D連隻碟上嘅汁都想搵個包"索"埋佢....唔知咩時間, 大廚走出嚟收碟, 循例問下好唔好食, 我就回佢話, 佢再遲D出嚟收嘢, 連碟都俾我地舔乾淨架囉! 佢好甜咁笑咗出嚟同問我地要咩餐飲, 果刻我好想食甜品, 佢就推介蘋果批, 但我朋友同我都唔喜歡蘋果批, 就問佢有冇焦糖蛋白, 佢話焦糖蛋白係要訂, 同埋一訂要訂四個....下次我一定要先訂咗個焦糖蛋白先!
當日只用咗三百幾蚊, 就係間餐廳度消磨咗三, 四個鐘....食法國餐就應如此悠閒地享受的.
Other Info. :
有件奇怪嘅事我諗極都諗唔起....究竟杯水係幾時係枱度架呢?! 明明我地叫餐同飲湯時都冇架...
(The above review is the personal opinion of a user which does not represent OpenRice's point of view.)
Post