酒常堯Grill & Chill

Open Now

Now Closed

今日OpenRice入邊預約咗一間食燒烤、飲啤酒嘅餐廳同朋友一齊聚會，呢間係人世特色餐廳，入口唔容易搵到，舖頭地方唔算大，但係裝修好精緻，舖頭中間位置係一個好大嘅吧枱，呢度提供好多唔同嘅款式嘅調配餐飲可供選擇。而廚房入邊就主要做燒烤、炸物等小食。餐廳提供的座位唔算多，所以嚟之前最好先預訂座位。除咗飲酒呢度嘅小食，包括串燒同炸物都非常之出色。首先我哋叫咗「酥炸生蠔」同埋「酥炸芝士」，食物一齊上碟，佢哋都係外皮黏上炸粉，造成吉烈脆炸嘅效果，外皮非常香，炸蠔入邊好蠔好新鮮，而且內裏充滿肉汁，好Juicy。炸絲士就做到芝士拉絲嘅效果，煙煙韌韌，芝士小小鹹，好香濃嘅芝士味，非常惹味。飲品方面，呢度有多款啤酒可供選擇，一班朋友傾吓偈，成晚流流長，又唔想咁易飲醉，啤酒係最好嘅選擇。另外我哋揀咗一杯由威士忌調配出嚟嘅餐飲，甜甜地，各有酒味，真係好容易飲醉咗都唔知。