Video
Read full review
2021-09-20
161 views
話說訂左枱19號同屋企人食飯，Whatsapp訂座好方便，但因為家庭聚餐有老有嫩，唔想食圍餐問佢拎Main menu想訂定野食，可能涉及商業機密，所以佢答我「來到就有」，我知道，來到餐廳就有，最後我要上openrice先睇到呢間餐廳既menu，咁我訂左野食之後有人confirm收到訂野，之後我驚點得太多，減左幾道菜，WhatsApp 無人理我，直到打俾我confirm 18號booking, 留意返，我係訂19號，好彩有WhatsApp記錄，之後Whatsapp再confirm booking 我再同佢講減左菜，唔理我，繼續唔理，ok。用餐當日，前所未有既用餐體驗，12個人分2張枱，我知道既，政府規定無辦法，枱好逼我明白，因為個個都做節，我都好明白，但你要我屋企人坐圓櫈，你可唔可以同我講聲？老實講，出街食就係想舒舒服服，但呢個突然既安排，在情在理你係唔係要同我講聲？咁好啦，叫極都冇人理你，咁我地自己換返正常櫈，個侍應好好，印左張上菜紙俾我睇我Order左d咩，但我當日減菜既要求係無人理，要落左咁多既野食，算啦，真係算啦，果刻我淨係想快食快走，因為安排真係差到形容唔到，叫起菜，頭盤黑磚豆
食物，大部分都辣，芥末蝦球辣呢d我知道，我點會估到「脆米煎焗日本元貝皇」同「豬油渣雜菜粉絲煲」會係辣呢，點解我唔問？因為我連減訂菜單都被已讀不回，更何況問佢其他野？
食物味道？幾特別既，賣相靚仔，味道如果食到辣都好食既
服務？我知道侍應們都好忙，大節前夕個個都好辛苦好忙好躁，我都明白，但種種安排都不可能做到咁差。希望你地可以改善下。
Post
