PappaRich Malaysian Delights (Closed)

老友飯聚，想搵個清靜嘅地方，食下野傾下偈咁。老友話之前同老婆上黎 PappaRich 食過，感覺都唔錯，於是一行四人就決定黎試下喇。我上黎前都冇為意呢度原來係食馬來西亞菜，飯店門面開揚，店內成長方形，桌椅排列整齊，一目了然。我們叫了海南雞，蝦麵，牛/雞串燒等。海南雞非常嫩滑，很對胃口；蝦麵更是一絕，湯底味濃且鮮，麵條粗幼並全，令口感變化大增，值得一讚。 至於串燒，牛串肉質略實，偏乾；雞串就普普通通啦。另外，我叫了一杯熱鴛鴦，味道濃郁，入口滑溜，甜度適中，而且杯子精緻，感覺良好。不過有一事要提一提，上呢揀大廈有樣麻煩，就係電梯不時要排長龍，大家最好要預多點時間。