Video
Read full review
2024-06-09
787 views
📍Bombay Dreams 🔍中環雲咸街46-48號雲明行1樓-----心癢癢又想食印度菜，選址這間有一段時間冇食，心心念念嘅印度餐廳。星期四夜晚八點嚟到，幾乎滿座，餐廳裝潢一如既往地雅緻高級，雖然喺香港都有幾多年歷史，但係保養得宜，冇因為歲月而留有痕跡。餐牌選擇喺印度餐廳嚟講都算好多，雖然我唔係素食者，都覺得佢哋幾貼心，有個專門for Vegetarian嘅餐牌。前菜：🍤Bombay Chilgoza Prawns新鮮大蝦質感爽彈，外層香脆金黃，內裡蝦肉嫩口，食落有點像平時的港式蝦多士，除了怕熱氣，味道沒有挑剔。🐏Shahi Galouti Kebab羊肉經過精細搗碎，再壓成餅型，質感好細膩綿密，入口即化，羊肉味頗出，不是蝦餅那種彈牙口感，是比較像薯餅那種散身少少的質感。🥘咖喱：🐥Chicken Makhni 🐟Mahi Sunehri記得對上一次食完對佢哋嘅咖喱留有深刻印象，同樣都係叫咗兩款。前者係佢哋嘅招牌菜，微甜微辣，牛油味極致濃郁，質地濃厚滑溜，估計是落重牛油所以做到咁滑咁香，好邪惡，但真心好正，我願意為佢長胖一點點。Mahi Sunehri質感就輕盈薄身少少，薑黃味好突出
🔍中環雲咸街46-48號雲明行1樓
-----
心癢癢又想食印度菜，選址這間有一段時間冇食，心心念念嘅印度餐廳。星期四夜晚八點嚟到，幾乎滿座，餐廳裝潢一如既往地雅緻高級，雖然喺香港都有幾多年歷史，但係保養得宜，冇因為歲月而留有痕跡。
餐牌選擇喺印度餐廳嚟講都算好多，雖然我唔係素食者，都覺得佢哋幾貼心，有個專門for Vegetarian嘅餐牌。
前菜：
🍤Bombay Chilgoza Prawns
新鮮大蝦質感爽彈，外層香脆金黃，內裡蝦肉嫩口，食落有點像平時的港式蝦多士，除了怕熱氣，味道沒有挑剔。
🐏Shahi Galouti Kebab
羊肉經過精細搗碎，再壓成餅型，質感好細膩綿密，入口即化，羊肉味頗出，不是蝦餅那種彈牙口感，是比較像薯餅那種散身少少的質感。
🥘咖喱：
🐥Chicken Makhni
🐟Mahi Sunehri
記得對上一次食完對佢哋嘅咖喱留有深刻印象，同樣都係叫咗兩款。前者係佢哋嘅招牌菜，微甜微辣，牛油味極致濃郁，質地濃厚滑溜，估計是落重牛油所以做到咁滑咁香，好邪惡，但真心好正，我願意為佢長胖一點點。Mahi Sunehri質感就輕盈薄身少少，薑黃味好突出，加上孜然同蒜蓉等等，味道比較強烈及有特色，坊間好少食到呢一種味道嘅咖喱，值得一試。
Post
